Уулун күткөн эне: сени бир көрүп өлсөм арманым жок эле

Жазылуу
Айрым маалыматтар боюнча дайынсыз жоголгон киши Екатеринбург шаарында жүрөт.

БИШКЕК, 20-май — Sputnik. Facebook социалдык тармагына Россияга кетип төрт жылдан бери дайынсыз болгон уулун күтүп жүргөн эненин баласына болгон кайрылуусу тарады. 

Видеодон карыган эне баласынан анын үйгө кайтып келүүсүн суранып, жалбарып жатканын көрүүгө болот.

"Балам, ал жактан үйлөнгөн болсоң, келинчегиңди жетелеп келе бер. Үйлөнө элек болсоң бул жакка келип бала-чака күт. Балам, сени аябай сагындым. Таң атса кеч кирбейт, кеч кирсе таң атпайт, ушундай күндөрдү өткөрүп жатам. Сени бир көрүп өлсөм арманым жок эле", — дейт эне.

Селсаяк. Архив - Sputnik Кыргызстан
Москвадагы "селсаяк"... Мамат акеге тамак гана алып бере алдым
Кыргызстандын Ички иштер министрлигинин Россиядагы өкүлү Аскат Алиев 40 жаштагы Замирбек Атамкулов 2013-жылы сентябрь айында Россияга иштеп келем деп кеткен бойдон кабарын билдирбей жүргөнүн Sputnik агенттигине билдирди.

"Бул боюнча бизге анын айылдашы кайрылды. Аны үйүндө карыган апасы күнүгө жол карап күтүп отурат. Атасы эки жыл мурун дүйнөдөн өтүп кетиптир. Учурда ал Екатеринбург шаарында жүргөнү туурасында маалыматтар бар. Замирбек, эгер бул кайрылууну көрүп калсаңыз, тезинен апаңыздын жанына барууңузду өтүнөбүз", — деди Алиев.

Замирбек Атамкуловду көргөн-билгендер ИИМдин Россиядагы өкүлчүлүгүнө +8926 890 87 00 номери аркылуу байланышса болот.

Жаңылыктар түрмөгү
0