Жер алдындагы өтмөктөр оңдолгондон кийин соодагерлердин ишине тыюу салынбайт

© пресс-служба мэрии города БишкекБишкек шаарындагы жер алдындагы өтмөк. Архив
Бишкек шаарындагы жер алдындагы өтмөк. Архив - Sputnik Кыргызстан
Жазылуу
Мэрия ЦУМ менен филармониянын жанындагы жер алдындагы өтмөктөрдү оңдоо чечимин кабыл алган. Учурда анда 160га жакын соода түйүндөрү бар.

БИШКЕК, 30-мар. — Sputnik. Жер алдындагы өтмөктөр оңдолгондон кийин соодагерлер иштерин уланта алышат. Бул тууралуу Sputnik Кыргызстан агенттигинин кабарчысына мэриянын муниципалдык менчик башкармалыгынын жетекчиси Султан Өмүров билдирди.

Эскизы подземных переходов в Бишкеке - Sputnik Кыргызстан
Филармониянын жанындагы өтмөктүн ремонттон кийинки көрүнүшү. Эскиздер
Муниципалитет Чүй — Манас проспектилериндеги жана Чүй — Абдрахманов көчөсүндөгү жер өтмөктөргө оңдоо иштерин жүргүзүү чечимин кабыл алган. Капиталдык ремонтко 36,5 миллион сом бөлүнгөн.

Өмүровдун айтымында, бул объектилерде 160 соода түйүнү бар.

Мэрия өтмөктөрдүн эскиздерин жарыялагандан кийин социалдык тармактардын колдонуучулары соодагерлер кайда барат деген суроону коюшкан.

"Азырынча канча соода түйүнүнө уруксат берилери белгисиз. Бирок соода-сатыкка тыюу салынбайт. Мындан тышкары, кандай товардын түрлөрү сатылары дагы азырынча анык эмес", — деди чиновник.

Ал ошондой эле эки өтмөктөгү объектилердин ижарасынан мэрия ай сайын 75 миң сом алып турарын маалымдады. Тагыраагы ЦУМдун жанындагы өтмөктөгү түйүндөрдөн 45 миң, Манас проспектисиндеги өтмөктөн 30 миң түшүп турат.

Оңдоо иштери 15-апрелден тарта башталат. Бул боюнча соодагерлерге алдын ала эскертүүлөр берилген.

Жаңылыктар түрмөгү
0