17:17 21 Үчтүн айы 2020
Түз эфир
  • USD69.7000
  • EUR77.3008
  • RUB1.1268
Саясат
Кыскача шилтеме алуу
228120

Мамлекеттик жана муниципалдык кызматкерлердин, укук коргоо, көзөмөл жана сот органдарынын кирешелерин ачык көрсөтүү механизмдери ишке киргизилет

БИШКЕК, 9-дек. — Sputnik. Кыргызстандын мамлекет башчысы Сооронбай Жээнбеков бүгүн, 9-декабрь коррупцияга каршы күрөшүү күнүнө карата жарандарга өзүнүн кайрылуусун жолдогонун президенттин маалымат кызматынан кабарлашты.

Билдирмеде президент мурдагы мамлекет башчы Алмазбек Атамбаев түзгөн коррупцияга каршы мамлекеттик саясатты улантарын айтканы белгиленген.

"Парламенттик жана президенттик шайлоо учурунда автоматташтыруу системасы саясий коррупцияга карата күчтүү курал экенин жакшы түшүндүк. Эми көпчүлүк мамлекеттик жана муниципалдык кызматтарды электрондук форматка өткөрүүнү тездетүү керек. Бул нерсе коррупцияга катуу сокку болот. Ошондуктан "Таза коом" долбоорун ишке ашыруу эң маанилүү тапшырма", — деди Жээнбеков.

Премьер-министр Сапар Исаковдун архивдик сүрөтү
© Пресс-служба правительства / Сабыр Аильчиев
Ал ошондой эле мамлекеттик жана муниципалдык кызматкерлердин, укук коргоо, көзөмөл жана сот органдарынын кирешелерин ачык көрсөтүү механизмдери ишке киргизиле турганын кошумчалаган.

"Биз өлкөнүн өнүгүшүнө жана элдин коррупциядан жабыр тартпашына болгон күч аракетибизди жумшайбыз", — деди мамлекет башчы.

Мындай демилгени бийликтин бардык бутактары — мыйзам чыгаруу, аткаруу жана сот органдары коррупцияга каршы иштерди колдоп берерине ишенерин Жээнбеков белгилеген.

Тема боюнча

Жээнбеков: укук коргоо, сот жана күч органдарына нааразычылык күч
Жээнбеков Коопсуздук кеңешинин жыйынына тыкыр даярданууну тапшырды
Белгилер:
коррупция, Сооронбай Жээнбеков

ЭҢ МААНИЛҮҮ