06:18 01 Бештин айы 2021
Түз эфир
  • USD84.7888
  • EUR96.2310
  • RUB1.1321
Саясат
Кыскача шилтеме алуу
556120

Өмүрбек Бабанов эч нерсеге карабастан жарышты улантарын айтты

БИШКЕК, 1-окт. — Sputnik. Депутат Канатбек Исаев мыйзамды жакшы билген принципиалдуу адам. Тергөө иштери ачык жүрүшү үчүн бардык күчүбүздү жумшайбыз. Бул тууралуу президенттикке талапкер Өмүрбек Бабанов маалымат жыйын учурунда журналисттерге билдирди.

Ал ошондой эле сот чечим чыгармайын, айыпсыздык презумпциясын сактоого ЖМКларды чакырды.

"Тийиштүү бир топтогу адамдар менин ар бир кадамымды терс жагынан көрсөтүүгө аракет жасап жатат. Канат Исаев дагы мени колдогону үчүн ушундай абалга туш келди. Кээ бир ЖМКларга айтар элем кара пиар менен алектенбейли. Акыркы чечимди бир гана сот чечет", — деди Бабанов.

Ал ошондой эле эч нерсеге карабастан жарышты улантарын айтып, жеңишке ишенип жаткандыктан Ак үйдү басып алуу ниети жок экенин белгиледи.

Эскерте кетсек, президенттикке талапкер Өмүрбек Бабановду колдогон эл өкүлү Канатбек Исаев 30-сентябрь күнү кечке маал кармалган. Ал Башкы прокуратура тарабынан массалык башаламандык уюштурууга жана бийликти күч менен басып алууга даярдык көргөн деп айыпталып, УКМКнын убактылуу кармоочу жайына киргизилди.

УКМК Исаевден тышкары уюшкан кылмыштуу топтун мүчөлөрү да кармалганын билдирди. Башкы прокуратуранын тараткан маалыматы боюнча Исаев эгер президенттикке талапкер Өмүрбек Бабанов шайлоодо утулуп калса массалык башаламандык уюштуруп, бийликти басып алуу боюнча айрым адамдар менен сүйлөшкөн.

Мындан сырткары Youtube каналында Канат Исаевге байланышкан видео жарыяланды.

Биринчи ролик "Бийликти басып алуу боюнча криминалдын сүйлөшүүсү (Бабанов — президент, Исаев — спикер, Төрөбаев — премьер-министр)" деп аталат. Экинчисинин аталышы "Канат Исаев бийликти басып алуу үчүн криминалды даярдаган!". Үчүнчү тасма "Канатбек Исаев криминалга согушкерлерди даярдоо үчүн миллион берип жатат" деген аталыш менен чыкты.

Тема боюнча

Каныбек Иманалиев акыркы ирет Канат Исаев менен качан, эмне боюнча сүйлөшкөнүн айтты
Интернетте Исаевге окшогон кишинин "согушкерлер үчүн акча берген" видеосу тарады
УКМК Канат Исаевдин кармалышы боюнча түшүндүрмө берди. Видео
Белгилер:
Өмүрбек Бабанов, Канатбек Исаев, депутат

ЭҢ МААНИЛҮҮ