Депутат Канат Исаев УКМКнын убактылуу кармоочу жайына киргизилди

© Sputnik / Жоомарт УраимовДепутат ЖК Канатбек Исаев во время открытия после капитального ремонта отдела в КТРК
Депутат ЖК Канатбек Исаев во время открытия после капитального ремонта отдела в КТРК - Sputnik Кыргызстан
Жазылуу
Yandex newsTelegram
Эл өкүлү Башкы прокуратура тарабынан массалык башаламандык уюштурууга жана бийликти күч менен басып алууга даярдык көргөн деп айыпталып жатат.

БИШКЕК, 1-окт. — Sputnik. Ишемби күнү кармалган "Кыргызстан" фракциясынын депутаты Канатбек Исаев Улуттук коопсуздук мамлекеттик комитетинин убактылуу кармоочу жайына киргизилди. Бул тууралуу Sputnik Кыргызстан агенттигине УКМКнын маалымат кызматы кабарлады.

Билдирүүгө ылайык, азырынча депутатка кандай чара көрүлөрү белгисиз. Ал убактылуу кармоочу жайында 48 саат болушу шарт. Тергөө иштери уланып жатканын УКМКдан кошумчалашты.

Эскерте кетсек, эл өкүлү 30-сентябрь күнү кечке маал кармалган. Ал Башкы прокуратура тарабынан массалык башаламандык уштурууга жана бийликти күч менен басып алууга даярдык көргөн деп айыпталып жатат.

Жогорку Кеңештин депутаты Каныбек Иманалиевдин архивдик сүрөтү - Sputnik Кыргызстан
Каныбек Иманалиев акыркы ирет Канат Исаев менен качан, эмне боюнча сүйлөшкөнүн айтты
УКМК Исаевден тышкары уюшкан кылмыштуу топтун мүчөлөрү да кармалганын билдирди. Башкы прокуратуранын тараткан маалыматы боюнча Исаев эгер президенттикке талапкер Өмүрбек Бабанов шайлоодо утулуп калса массалык башаламандык уюштуруп, бийликти басып алуу боюнча айрым адамдар менен сүйлөшкөн.

Мындан сырткары Youtube каналында Канат Исаевге байланышкан видео жарыяланды.

Биринчи ролик "Бийликти басып алуу боюнча криминалдын сүйлөшүүсү (Бабанов — президент, Исаев — спикер, Төрөбаев — премьер-министр)" деп аталат. Экинчисинин аталышы "Канат Исаев бийликти басып алуу үчүн криминалды даярдаган!". Үчүнчү тасма "Канатбек Исаев криминалга согушкерлерди даярдоо үчүн миллион берип жатат" деген аталыш менен чыкты.

Жаңылыктар түрмөгү
0