07:36 17 Бештин айы 2018
Түз эфир
  • USD69.8381
  • EUR78.8821
  • RUB1.0512
Каракол шаарындагы шамалдын кесепети. Архивдик сүрөт

Ысык-Көлдөгү катуу шамалдын кесепети. Чыгымдар эсептелүүдө

© фото очевидца, отправленное по WhatsApp-каналу
Окуялар
Кыскача шилтеме алуу
305 0 0

Айрым аймактарда калыбына келтирүү иштери улантылып жатат.

БИШКЕК, 3-дек. — Sputnik. Ысык-Көл облусунун аймагында 30-ноябрда жана 1-декабрга караган түнү болгон катуу шамал алып келген чыгым эсептелип жатканын ӨКМ билдирди.

Каракол шаарында 1-декабрдын түнүндө саат 12:00дөр чамасында ылдамдыгы секундасына 26 метрге жеткен шамал болуп, ал облустук төрөт үйүнүн, үч орто мектептин, №14 балдар бакчасынын, облустук прокуратурага тийиштүү унаа токтотуучу жайынын чатырын учуруп кеткен. Мындан сырткары, көп кабаттуу үч үй менен бир жер тамдын чатырын алып кеткен. Электр чубалгылар үзүлүп, бак-дарактар сынган. Учурда келтирилген чыгымдар эсептелүүдө.

Балыкчы шаарында 1-декабрдын түнүндө саат 01:00 чамасында ылдамдыгы секундасына 24-28 метрге жеткен шамал болгон. Ленин атындагы гимназия-мектебинин 5 даана, Манас атындагы орто мектептин 4 даана, "Келечек" балдар бакчасынын 3 даана, шаардык поликлиниканын 30 даана, №22 кесиптик лицейинин 2 даана шиферин учуруп кеткен. Калыбына келтирүү иш-чаралары бүгүн, 3-декабрда, дагы улантылат.

1-декабрда Түп районунда түндө ылдамдыгы секундасына 18-22 метрге жеткен шамал катталган. Анын кесепетинен Михайловка айылындагы Шевченко атындагы орто мектебинин 40 даана шиферин, Ысык-Көл айылында 4 турак үйдүн чатырын учурган. Мындан сырткары, Михайловка, Ысык-Көл, Тогуз-Булак, Ой-Булак айылдарында электр чубалгылары үзүлгөн.

30-ноябрда Жети-Өгүз, Ысык-Көл, Ак-Суу, Тоң райондорунда катуу шамал болуп, бир катар социалдык объектилер менен турак жайлардын чатырын учурган. Ошондой эле жогорку чыңалуудагы электр чубалгылары үзүлүп, зым карагайлар да кулаган.

Учурда Жарандык коргонуу комиссиясы жеринде келтирилген чыгымдарды эсептеп жатат. Андан сырткары, калыбына келтирүү иштери улантылууда.

Тема боюнча

Оюлган трасса, жарактан чыккан имараттар. Аляскадагы зилзаладан кийинки видео
Лейлектин Бужум жайлоосунда жылкы издеп кеткен киши дайынсыз болууда
Белгилер:
катуу шамал, чыгым, ӨКМ, Ысык-Көл облусу
Колдонуу эрежелериПикирлер

ЭҢ МААНИЛҮҮ