Бишкекте түндө ок жеген милиционер ооруканада. Милиция кылмышкерди издеп жатат

Жазылуу
Окуя "Чыгыш-5" кичи районунда болгон

БИШКЕК, 3-фев. — Sputnik. Белгисиз адам милиционерди 2-февралда түн ичинде жарадар кылган. Бул туурасында Бишкек шаардык милициясынан кабарлашты.

Окуя болжол менен түнкү саат 23:45тер чамасында "Чыгыш-5" кичи районунда болгон. Милиционер кызмат учурунда ок жеген.

"Тартип кызматкерин белгисиз үлгүдөгү тапанча менен атышкан. Учурда ал ооруканага жаткырылды. Ал эми милиционерге ок чыгарган кишини издөө үчүн шаарда атайын план уюштурулуп, иш башталды", — деп билдиришти маалымат кызматы.

Шаардык милициядан шектүү кармалгандан кийин кошумча маалымат бере тургандыктарын айтышты.

Жаңылыктар түрмөгү
0