18:38 19 Бештин айы 2018
Түз эфир
  • USD69.8381
  • EUR79.6224
  • RUB1.0406
Маданият

Фотофакт: Бишкекте Жээнбековдун чачтан тартылган портрети көргөзмөгө коюлду

Кыскача шилтеме алуу
412 0 0
Фотовыставка Умара Мажитова в Бишкеке
© Sputnik / Табылды Кадырбеков

Чачтын кыркындысынан сүрөт тарткан Умар Мажитов Бишкектеги соода борборлордун биринде сүрөт көргөзмө өткөрүүдө. Ага мамлекет башчы Сооронбай Жээнбековдун да портретин алып чыкты.

Өзгөчө таланттын ээси көргөзмөгө ар кандай багытта тартылган 24 сүрөтүн койгон.

"Президентибиздин сүрөтүн тартууга бир суткага чукул убакыт кетти. Убакыт аз болгондуктан күнү-түнү иштеп жаттым. Портреттин узуну 80, туурасы 60 сантиметрди түзөт", — деди жаш сүрөтчү.

Мындан сырткары, ал чачтын кыркындысынан Чыңгыз Айтматов, Исхак Раззаков жана Сүймөнкул Чокморов сыяктуу Кыргызстандын жана дүйнөнүн көрүнүктүү инсандарынын элесин түшүргөн.

Умар Мажитов бала чагында сүрөтчү болууну кыялданган. Бирок ал жашоо шартынан жана ата-энесинин каршылыгынан улам жактырган кесибин аркалай алган эмес. Анан ал чачтарач кесибин тандайт да курска жазылып окуудан өтөт. Бул кесип менен иштеп жатканына быйыл алты жылдын жүзү болду. Канткен менен дээриндеги талант Умарды тынч койгон эмес. Акыры ал өнөрү менен кесибин айкалыштыруу жолун таап, кардарларынан калган чачтын кыркындысынан портрет тарта баштаган.

Sputnik Кыргызстан агенттиги буга чейин Умардын таланты тууралуу материал жасагандан кийин коомчулуктун көңүлү бурулган. Муну сүрөтчү өзү да белгилеп, көргөзмө уюштурууга ошол макала жана элдин колдоосу чоң стимул болгонун айтты.

Тема боюнча

Бишкекте Бурулайдын портрети жатакананын дубалына тартылды
Бишкектик сүрөтчү келин эне жөнүндө эмгектери менен интернетти жарды. 10 сүрөт
Белгилер:
портрет, Сүрөт, фото көргөзмө, Умар Мажитов, Сооронбай Жээнбеков
Колдонуу эрежелериПикирлер

Дагы инфографика

ЭҢ МААНИЛҮҮ