12:18 20 Баш оона 2019
Түз эфир
  • USD69.7839
  • EUR77.4776
  • RUB1.0477
Премьер-министр Сариев поэтикалык эстафетаны Молдовага узатты

Премьер-министр Сариев поэзия эстафетасын Молдовага узатты

© Sputnik / Табылды Кадырбеков
Маданият
Кыскача шилтеме алуу
Кыргыз акыны Алыкул Осмоновго 100 жыл (29)
14410

Кыргызстанда башталган поэзия долбоору эл аралык деңгээлге чыгып, КМШ мамлекеттеринде уланышы кубандырат деп белгиледи өкмөт башчы.

БИШКЕК, 19-авг. — Sputnik. Sputnik Кыргызстандын поэзия эстафетасын эл аралык деңгээлге чыкты.

Март айында Sputnik агенттигинин редакциясы кыргыз поэзиясынын классиги Алыкул Осмоновдун чыгармачылыгына арналган видеодолбоор баштаган. Бир нече айдын аралыгында улуу акындын чыгармаларын саясатчылар, белилүү коомдук жана маданият ишмерлери окуп келишти.

Долбоордун соңунда агенттиктин жамааты Алыкулдун чыгармасын окуп, эстафетаны vb.kg интернет-редакциясынын коллективине узаткан. 

Эстафетаны Алыкулдун "Ким болсом" аттуу чыгармасын окуу менен премьер-министр Темир Сариев улантып, кийинки кезекти Молдовага сунду. 

Пресс-служба правительства КР
Премьер Сариев Алыкул акындын ырын көркөм окуп, Sputnik демилгесин ула

"Көр тириликтин агымын бир мүнөткө болсо да токтотуп, улуу акын Алыкулдун чыгармачылыгына сүңгүп, андан кайрат-дем алууга мүмкүнчүлүк түзүп Берген Sputnik  эл аралык маалымат агенттиги жана радиосуна ыраазычылык билдирем. Мындай долбоорлор жалпы мамлекеттин кадыр-баркын көтөрүүгө да зор салым кошот", — деди өкмөт башчы.

Кыргызстанда башталган поэзия эстафетасы эл аралык деңгээлге чыгып, КМШ мамлекеттеринде уланары кубанычтуу көрүнүш экенин белгилеген премьер-министр, достук мамиледеги өлкөлөр бири-бирин саясий, экономикалык жактан эле эмес, маданий жана руханий жактан да колдоп турушу керектигин кошумчалады. 

"Бул бири-бирибизди терең түшүнүүгө өбөлгө болот. Андыктан чоң кубаныч менен поэзия эстафетасын Молдова Республикасына узатам", — деди Сариев.

Эскерте кетсек, поэтикалык эстафетага вице-премьер-министр Даимра Ниязалиева, ЖК депутаты Жылдызкан Жолдошева, Кыргызстандын эл акыны жана мамлекеттик сыйлыктын ээси Вячеслав Шаповалов, кинорежиссер, "Айтыш" коомдук фондунун негиздөөчүсү Садык Шер-Нияз катышкан. 

Sputnik агенттигинин бул демилгеси көркөм окуу аркылуу сүйүү, жашоо, сулуулук сыяктуу баалуулуктарды даңазалап, дүйнө элдерин жакындатууну көздөйт.

Sputnik (sputniknews.com) — мультимедиалык маалымат хабы. Анын өкүлчүлүгү ондогон ашык мамлекетте бар. Sputnik мультимедиалык хабы өзүнө сайттарды, радиоуктурууларды, мобилдик тиркемени камтыйт. Андан сырткары, социалдык тармактарда баракчалары бар. Sputnik агенттиги дүйнөдө болуп жаткан окуяларды дүйнөнүн отуздан ашык тилинде маалымдайт.

Тема:
Кыргыз акыны Алыкул Осмоновго 100 жыл (29)
Белгилер:
поэтикалык эстафета, көркөм окуу, маалымат каражаттары, Молдова, Кыргызстан

ЭҢ МААНИЛҮҮ