13:54 12 Жетинин айы 2019
Түз эфир
  • USD69.8426
  • EUR77.0294
  • RUB1.0928
Сцена из спектакля Аджал Ордуна (Не смерть, а жизнь)

Бообек Ибраевдин 80 жылдыгына карата анын үй-музейи ачылды

© Sputnik / Э. Вильчинский
Маданият
Кыскача шилтеме алуу
8120

Кыргызстанда республикалык масштабда атактуу режиссер Бообек Ибраевдин 80 жылдыгына карата иш-чаралар башталды.

БИШКЕК, 13-мар. Sputnik. Жети-Өгүз районунун Кызыл-Суу районунда жума күнү белгилүү режиссер, КР Эл артисти, Кыргыз ССРинин искусствосуна эмгек сиңирген ишмер Бообек Ибраевдин 80 жылдык юбилейине карата үй-музейи ачылып, айылдык маданият үйүнө ысмы ыйгарылат.

Быйыл кыргыз эли өзүнүн белгилүү жана таланттуу режиссеру Бообек Ибраевдин 80 жылдык юбилейин белгилейт. Маараке режиссердун туулган айылы Жети-Өгүз районундагы Кызыл-Суудагы иш-чаралар менен башталып, республикалык масштабга өтөт. 

Кыргыз драматургия өнөрүндө Бообек Ибраевдин сахналаштырылган чыгармалары элди руханий жактан гана азыктандырбастан, кыргыз актерлорунун чеберчилигин арттырган.

Кыргыз театрынын XX кылымдагы тарыхында "Бообек Ибраевдин доору" деген баа берүү сакталып калды. Ал Токтоболот Абдымомуновдун "Ашырбай", Уилям Шекспирдин "Ромео жана Жулетта", Мустай Каримдин "Ай тутулган түндө", Насирдин Байтемировдун "Уркуя", Бексултан Жакиевдин "Алтын аяк", "Өлбөгөн жанган жаз келет", Мар Байжиевдин "Ар бир үйдө майрам", "Кыз, күйөө" жана "Байыркы жомок", "Манас" эпосунун трилогиясын мыкты деңгээлде, ийине жеткире сахналаштырган. 

Ал режиссерлуктан сырткары кыргыз театр сахнасына бир топ актерлорду тарбиялап, даярдап чыгарган мыкты устат, педагог болгон. 

2014-жылы кыргыз интеллигенциясы тарабынан режиссердун 80 жылдык юбилейине карата "Бообек" деп аталган коомдук кайрымдуулук фондун түзүү демилгеси көтөрүлгөн. Режиссер 2000-жылы 5-июнда 65 жаш курагында дүйнөдөн өткөн.

Тема боюнча

Чыңгыз Айтматов — сүрөттө калган элестер
Белгилер:
маареке, устат, режиссер, Бообек Ибраев, Жети-Өгүз району

ЭҢ МААНИЛҮҮ