15:47 20 Бугу 2019
Түз эфир
  • USD69.8500
  • EUR78.0539
  • RUB1.0807

Токаев ант берип, президенттик кызматына киришти

© Sputnik / Владислав Воднев
Азия
Кыскача шилтеме алуу
Нурсултан Назарбаевдин отставкасы (22)
310 0 0

Баш мыйзамга ылайык, Токаев мамлекетти биринчи президент Нурсултан Назарбаевдин мөөнөтү аяктаганча, тагыраагы, 2020-жылга чейин башкарат.

БИШКЕК, 20-мар. — Sputnik. Бүгүн, 20-мартта, Казакстандын парламентинин эки палатасынын биргелешкен жыйынында Касым-Жомарт Токаевдин ант берүү аземи өттү. Бул тууралуу Sputnik Казакстан агенттигинин кабарчысы жеринен билдирди. 

Өлкөнүн Баш мыйзамы боюнча Токаев мамлекетти биринчи президент Нурсултан Назарбаевдин мөөнөтү аяктаганча, тагыраагы, 2020-жылга чейин башкарат.

"Казак элине кызмат кылууга, Казакстандын Конституциясы менен мыйзамдарынын алкагында иш алып барууга, жарандардын укуктары менен эркиндигин коргоого жана мага жүктөлгөн милдеттеримди так аткарууга ант беремин", — деди Токаев.

Ал анттын текстин мамлекеттик тилде окуду.

Белгилей кетсек, Нурсултан Назарбаев кечээ, 19-мартта, республикалык телеканалдардын бири аркылуу президенттик кызматын тапшырганын жар салган. https://sputnik.kg/asia/20190319/1043695201.html Анын мындай кадамы күтүүсүз болуп көптөрдү таң калтырды. Назарбаев Казакстанды эгемендүүлүк алган жылдан тарта башкарып келген. Анын президенттик мөөнөтү 2020-жылы соңуна чыкмак. Эми ага чейин мамлекетти башкаруу укугу парламент сенатынын төрагасы Касым-Жомарт Токаевге өттү. Ал Назарбаевдин калган мөөнөтү бүткөнгө чейин иштеп, андан соң шайлоо өткөрөт.

Тема:
Нурсултан Назарбаевдин отставкасы (22)

Тема боюнча

Назарбаев ата кетип калды... Шолоктоп ыйлаган казак кыздын видеосу
Назарбаев казак элин кимге тапшырып кетти. Токаевдин таржымалы
Назарбаевдин президенттиктен эмнеге кеткени белгилүү болду
Сооронбай Жээнбеков Нурсултан Назарбаев менен телефон аркылуу сүйлөштү
Белгилер:
Касым-Жомарт Токаев, президент, Казакстан

ЭҢ МААНИЛҮҮ