20:45 24 Баш оона 2019
Түз эфир
  • USD69.7882
  • EUR77.2311
  • RUB1.0638
Нурсултан Назарбаев. Архивдик сүрөт

Нурсултан Назарбаев президенттиктен кетти. Учурда эмне болуп жатат

© Sputnik /
Азия
Кыскача шилтеме алуу
Нурсултан Назарбаевдин отставкасы (22)
6559 0 0

Нурсултан Назарбаев - Казакстандын тунгуч президенти.

Бүгүн, 19-март күнү, Казакстандын президенти Нурсултан Назарбаев президенттик ыйгарым укуктарын токтотконун жар салды. 

Эскерте кетсек, Назарбаев 79 жашта. Казакстанды республика эгемендүүлүк алгандан тарта башкарып келет.

Жаңы билдирүү
  • 21:22
    Заседание Совета Федерации РФ

    Назарбаев казак элин кимге тапшырып кетти. Токаевдин таржымалы

    Казакстанды башкаруу укугун алган Токаевдин кесиби — дипломат, англис, кытай, француз тилдеринде эркин сүйлөйт. 2007-жылдан тарта "Нур Отан" элдик демократиялык партиясынын мүчөсү.
    Дагы
  • 20:42

    Назарбаевдин президенттиктен эмнеге кеткени белгилүү болду

    Нурсултан Назарбаев президенттик кызматын тапшыруу чечимин кабыл алууга эмне себеп болгонун айтып берди. Анын элге болгон кайрылуусунун толук тексти Sputnik Казакстан агенттигине жарыяланды.

    Назарбаев өз сөзүндө дүйнө бир ордунда турбастан тездик менен өзгөрүп жатканын белгилеген.

    "Дүйнө бир ордунда турбайт. Жаңы мүмкүнчүлүктөр жаралып, глобалдык технологиялык жана демографиялык өзгөрүүлөр болуп жатат. Ар бир муундун чече турган өзүнүн тапшырмасы болот. Мен жана менин муунум өлкө үчүн баарын жасады. Жыйынтыгы сиздерге белгилүү. Дүйнө өзгөрүп, жаңы муун келди. Бул кадыресе эле көрүнүш. Алар өз учурунун көйгөйлөрүн чечиши керек. Өлкөнү мындан дагы жакшыртууга аракет жасашсын", — деди Назарбаев.
    Ал ошондой эле жаш муунга кайрылуу жасаган.

    "Дүйнө менен кошо биз дагы өзгөрүшүбүз керек. Казакстандын жаш муунуна кайрылам, эгемендүү Казакстанды, биздин жалпы мекенди көздүн карегиндей сактагыла! Мәңгілік ел — бул биздин эл, ата-бабаларыбыздын жери. Калкыбыздын биримдигин, маданиятын, салтын сактагыла", — деди Назарбаев.

    Коңшу өлкөнүн башчысы Нурсултан Назарбаев бүгүн, 19-мартта, республикалык телеканалдардын бири аркылуу президенттик кызматын тапшырганын жар салды. Анын милдетин парламент сенатынын төрагасы Касым-Жомарт Токаев аткармай болду.

  • 20:41
    Встреча глав государств Центральной Азии в Астане

    Нурсултан Назарбаев эми эмне менен алектенерин айтты

    Назарбаев 19-мартта президенттиктен кеткенин жар салды.
    Дагы
  • 19:56

    Казакстанда биринчи президенттин канцеляриясы түзүлдү

    Казакстандын биринчи президентинин канцеляриясы түзүлүп, аны Махмуд Касымбеков жетектемей болду.

  • 19:55

    Нурсултан Назарбаев отставкага кеткен "советтик" лидерлердин акыркысы. Ал Казакстандын жетекчилигине 1990-жылдын 24-апрелинде дайындалган.

  • 19:48
    Рабочая поездка президента РФ В. Путина в Челябинск

    Нурсултан Абишевич Назарбаев — өмүр баяны

    Нурсултан Назарбаевдин өмүр баянын Sputnik Кыргызстан агенттигинин таржымалынан окуңуздар.
    Дагы
  • 19:43
    Президент Казахстана Нурсултан Назарбаев выступил с обращением к народу и объявил о своей отставке.

    Эгемендүү Казакстанды сактагыла! Назарбаевдин отставкага кетишин жар салган видео

    Нурсултан Назарбаев бүгүн, 19-мартта, отставкага кете турганын айтты.
    Дагы
  • 19:31

    Назарбаев эмне кыларын айтты

    Нурсултан Назарбаев Коопсуздук кеңешинин, Nur Otan партиясынын төрагасы жана Конституциялык кеңештин мүчөсү болуп иштей берерин айтты. 

    "Мен сиздер менен болом", — деди мурунку өлкө башчысы.

  • 19:25

    Казакстан президентинин милдетин парламент сенатынын төрагасы Касым-Жоомарт Токаев аткармай болду.

    Казакстандын президентинин милдетин ким аткара турганы белгилүү болду

    Назарбаев бүгүн, 19-мартта, Казакстандын мамлекет башчылыгынан кете турганын жар салган.
    Дагы
  • 19:21

    Нурсултан Назарбаев 1940-жылы 6-июлда Алматы облусунун Каскелен районундагы Чемолган айылында жарыкка келген. Казакстан Республикасын 1991-жылдан тарта жетектеп келет. Акыркы жолу өлкөдө 2015-жылы президенттик шайлоо өтүп, Назарбаев бешинчи ирет өлкө башчысы болуп шайланган.

  • 19:19
  • 19:17

    Нурсултан Назарбаев республикалык телеканалдардын бирине чыгып элине кайрылган.

    "Мен президенттик ыйгарым укуктарымды токтотуу чечимин кабыл алдым", — деген Назарбаев.

Тема:
Нурсултан Назарбаевдин отставкасы (22)
Белгилер:
президент, Казакстан, Нурсултан Назарбаев

ЭҢ МААНИЛҮҮ