БИШКЕК, 23-апр. — Sputnik. Эл аралык "Жеңиш 9/45" кыймылы 9-майда Кыргызстанда да иш-чараларды өткөрөт. Бул туурасында Мамлекеттик Думанын төрагасынын орун басары Борис Чернышов "Евразия — салттуу баалуулуктардын аймагы" деп аталган форумда айтты.
Улуу Ата Мекендик согуштагы Жеңиштин 81 жылдыгын быйыл 14 мамлекетте белгилөө каралып жатат. Парламентарий мындай иштерди өткөрүү элдик дипломатия да болуп эсептеле турганын баса белгиледи.
Жеңишти белгилөө жана Улуу Ата Мекендик согушта курман болгон ата-бабаларды эскерүү иштери соңку жылдары эл аралык масштабда өзгөчө белгиленип келе жатат. Алардын катарында Россияда жана бир катар жакынкы, алыскы чет өлкөлөрдө өткөрүлүп келген "Өчпөс полк", курман болгон ар бир адамдын элесине арнап 27 миллион дарак отургузууну көздөгөн "Эскерүү багы" долбоорлору бар.