БИШКЕК, 23-апр. — Sputnik. Жума күнү республиканын көпчүлүк жерлеринде жамгыр жаап, күн күркүрөп, бийик тоолуу райондорунда кар жаайт. Ал эми Баткенде күн ачык болот. Бул тууралуу Кыргызгидромет билдирди.
Абанын температурасы Чүйдө +19...+24, Талас жергесинде +18...+23, Ош, Жалал-Абад, Баткен облустарында +21…+26, Ысык-Көлдө +14...+19, Нарын өрөөнүндө +13...+18 градус жылуу болот.
Бишкек менен Ошто жамгыр жаап, күн күркүрөйт. Термометрдин көрсөткүчү Бишкекте +20…+22, Ошто +24…+26 градуска жетет.