БИШКЕК, 21-апр. — Sputnik. Ош облусунун Кара-Суу районунда үч айыл башчы жана дагы бир кызматкер каза болгон окуянын видеосу тарады.
Окуя 20-апрелде саат 13:50лөр чамасында болгон. Ынтымак айыл аймагынан Кызыл-Суу кыштагына бараткан жолдо Ак-Терек айылынын 68 жаштагы башчысы өзүнүн Hyundai Accent автоунаасы менен жолдун жээгиндеги дарыяга түшүп кеткен.
Мунун кесепетинен унаанын ичиндегилердин баары каза тапкан. Айдоочудан сырткары, Жаңы-Арык айылынын 64 жаштагы жетекчиси, Таш-Арык айылынын 50 жаштагы башчысы жана аскердик эсепке алуу жана чакыруу боюнча 49 жаштагы жооптуу адис болгон. Алар куран окутууга баратканда кырсыктаган.