Түп районунда оорукананын 60 орундуу имараты ачылдыИзилдлөөлөргө таянсак ЕАЭБде товар жана кызмат көрсөтүүлөрдүн сапатына ишеним жогоруКыргызстан банктары жарым жылда 300 млрд. сомдук чет элдик валюта сатты алдыда кененирээкЕАЭБ өлкөлөрүндө социологиялык изилдөө жүргүзүлүп, сурамжылоого миңден ашык адам катышкан. Бул тууралуу ЕЭКтин маалымат кызматынан билдиришти. Кыскача жыйынтыктар: респонденттердин 65 пайызы ЕАЭБдин жалпы рыногунан товарларды сатып алып, кызмат көрсөтүүлөрдү колдонушат. Мунун көпчүлүгү кийим-кече, бут кийим жана текстиль; керектөөчүлөр товарлардын жана кызмат көрсөтүүлөрдүн сапатына жана коопсуздугуна ишеним артышат; сурамжылоого катышкандардын 60 пайыздайы керектөөчүлөрдүн укуктарын коргоо жаатындагы абалга оң баа беришет. Тактап айтканда 56 пайыздан ашыгы мамлекеттик органдардын бул багыттагы натыйжалуу ишин белгилейт, ал эми 35 пайызга жакыны керектөөчүлөрдүн укуктарынын бузулушуна туш болгон.
2024-жылдын биринчи жарымында Кыргызстандын банктарынын кассасына чет элдик валюталарды сатуудан 297 миллиард 49 миллион сом түштү. Улуттук банк каражаттар сом менен келгенин белгиледи. Кварталдар менен алганда көрсөткүч төмөнкүдөй болгон: Биринчи квартал — 172 миллиард 453,5 миллион сом; Экинчи квартал — 124 миллиард 595,5 миллион сом. Эске салсак, кеп банктар жана накталай акчанын келип түшүүсү туурасында болуп жатат. Өткөн жылдын ошол эле мезгилинде чет элдик валютанын сатуу көлөмү дээрлик 221 миллиард сомду түзгөн.
Бишкекте атышуудан жаракат алган бокс боюнча улуттук кураманын мурдагы улук машыктыруучусу Жылдызбек Ниязалиев жалпы палатага которулду. Бул тууралуу саламаттык сактоо министри Алымкадыр Бейшеналиев Sputnik агенттигине билдирди. Анын айтымында, бейтаптын абалы оор деп бааланууда. "Бейтап эки литр кан жоготкон, азыр ал жалпы палатага которулду", — деди Бейшеналиев. Эске салсак, 10-октябрда спорт дүйнөсүндө төбөсү көрүнүп калган адамдардын ич ара пикир келишпестигинен улам Бишкектеги бокс залдарынын биринде ок атылды. Натыйжада AIBA уюмунун экстра-класстагы рефериси Мукаш Ырсалиев каза таап, белгилүү машыктыруучу Жылдызбек Ниязалиев жардамчысы экөө ок жеп, оорукананын жандандыруу бөлүмүндө экени айтылган.
Ысык-Көл облусунун Түп районундагы Жалпы дарыгерлик практика борборунун жаңы имараты ачылды. Бул тууралуу Саламаттык сактоо министрлигинен билдиришти. Маалыматка ылайык, анын ачылышына министр Алымкадыр Бейшеналиев катышкан. "Бардык керектүү жабдуулар менен камсыздалган жаңы имараттын курулушу райондун тургундарына сапаттуу медициналык тейлөөгө жетүү мүмкүнчүлүгүн түзөт. Биз мындан ары да өлкөбүздүн ар бир жашоочусу керектүү медициналык кызматтарды эң жакшы шарттарда алышы үчүн иш алып барабыз", — деди Бейшеналиев. Аталган эки кабаттуу имаратты курууга 88 миллион сом бөлүнүп, 60 орундуу корпуста хирургия, төрөт, балдар жана реанимация бөлүмдөрү жайгашканы кошумчаланды.