Президент Садыр Жапаров 16-сентябрда STEM тармагындагы предметтер боюнча эл аралык олимпиадаларда жана грек-рим күрөшү боюнча жаштар арасында дүйнөлүк чемпионатта байгелүү орундарды ээлеген жаштар менен жолугушту. Жолугушууга окуучулардын мугалимдери да катышты. Садыр Жапаров жаш интеллектуалдарды жана спортчуларды куттуктап жатып, соңку жылдары мамлекет өлкө желегин чет жерде желбиретүү мүмкүнчүлүгүнө ээ болгон балдарга ар тараптан колдоо көрсөтүп келе жатканын айтты. Мамлекеттин колдоосуна жараша мекенчил жаштар да күтүлгөн натыйжаларга жетип жатканын белгиледи.STEM предметтер боюнча эл аралык олимпиадаларда медалдарга ээ болгон окуучуларга жана алардын мугалимдерине, Грек-рим күрөшү боюнча жаштар арасындагы дүйнө чемпионатында байгелүү орундарды ээлеген спортчулар жана алардын машыктыруучуларына акчалай сертификаттар тапшырылды.
Чүй облусунун Кемин районунда базар баасы 119 миллион 937 миң сомду түзгөн мурдагы касапкана жана колбаса чыгаруучу ишкана жери менен мамлекеттин балансына кайтарылды. Бул тууралуу УКМК билдирди. Маалыматка караганда, аймак мыйзамсыз менчиктештирилген мамлекеттик объектилерди табуу жана кайтаруу боюнча жүргүзүлүп жаткан иш-чаралардын алкагында аныкталган. "Аталган объектини 1995-жылы айрым кызмат адамдары жеке менчигине алып, бүгүнкү күнгө чейин өз кызыкчылыктары үчүн пайдаланып келген", — деди атайын кызмат. УКМК мамлекеттик мүлктү мыйзамсыз менчиктештирүү фактыларын аныктоо боюнча иштерди улантууда.
Казак улакчыларына 1-ноябрга Ысык-Көлгө чакыруу жөнөтүлдү. Бул тууралуу Көк бөрү федерациясынын президенти Рамис Жунусалиев билдирди.Жунусалиевдин айтымында, беттеш ынтымак оюну болуп, керек болсо күйөрмандар жок өткөрүлүшү ыктымал. Бул коопсуздук үчүн кабыл алынган чечим экени белгиленди. "Көкпар федерациясы менен эки жылда көптөгөн жолугушуу өткөрүп, пландар түзүлгөн. Жаралган кырдаалга федерацияны күнөөлүү деп эсептебейбиз. Бул жерде калыстардан, айрым оюнчу, балким машыктыруучулар ката кетирип койду. Анткен менен биз Көкпар федерациясы менен кызматташууга даярбыз. Бүгүн 1-ноябрда Ысык-Көлдө "Биримдик кубогун" өткөрөлү деп чакыруу жөнөттүк. Шарты боюнча Көчмөндөр оюндарынын финалына чыккан команда ошол курам менен келиши керек", — деди Жунусалиев. Ошондой эле бир оюн үчүн эки элдин алакасына жарака кетирип алуудан этият болуу зарылдыгын кошумчалады.
Украина АКШнын жардамы менен Киев көзөмөлдөп турган аймактардагы балдар мекемелерине Россия сокку урду деген сценарий менен аткылоо уюштурууга ниеттенип жатат. Бул туурасында Sputnik Ближнее зарубежье Россиянын Тышкы чалгын кызматына таянып билдирди. "Украина "Россия ракета кое берди" деген сценарий менен Киев көзөмөлдөп турган аймактардагы балдар мекемелерин — бала бакча же оорукананы аткылоого ниеттенип жатат. Анда курмандыктардын саны көп болушу каралган", — деп айтылган маалыматта. Агенттиктин айтымында, Киев жетекчилиги мындай ыкма аркылуу Украина армиясына дем берип, Батыштын Россиянын түпкүрүнө алардын куралы менен