Медведев: Дуров Россиянын душмандары үчүн орус, ошондуктан ал коркунучтуу

Медведев мекенди каалагандай тандай берүүгө болбой турганын белгилеген.
Sputnik
БИШКЕК, 25-авг. — Sputnik. Павел Дуров Россиянын душмандары үчүн орус, ошондуктан ал коркунучтуу. Telegram негиздөөчүсү убакытты башкара албагандай эле мекенди да каалагандай тандоо мүмкүн эмес экенин түшүнүшү керек. Мындай пикирин РФ Коопсуздук кеңешинин төрагасынын орун басары Дмитрий Медведев Telegram каналына жазды.
Ишемби күнү кечинде Франциянын ЖМКлары Павел Дуров Париждеги Ле-Бурже аэропортунан кармалганын маалымдашкан. Ал Францияга Азербайжандан барган. Дуров жеке учактан чыгып баратканда кармалып, камакка алынган. Франциянын маалымат каражаттары Дуровдо Франциянын жарандыгы бар экенин, ал издөөдө жүргөндөрдүн тизмесинде болгонун жазышууда.

"Биздин бардык душмандар үчүн ал орус, ошондуктан коркунуч катары эсептешет. Ал Маск же Цукерберг (баса, ФБР менен активдүү кызматташкан) эмес, каны башка. Дуров убакыт сыяктуу эле ата мекенди да каалагандай тандай албай турганын түшүнүшү керек", деп жазган ал.

Медведев ошондой эле Дуров мекени жок эле мыкты жашай алган дүйнөнүн адамы болгусу келгенин, чоң көйгөйлөрүнүн баары Россияда болуп жаткандай ой менен кеткенин кошумчалаган.
"Ал өзүнүн ири көйгөйлөрү Россияда болуп жатат деп эсептеп кетип калган. Андан кийин башка өлкөлөрдүн жарандыгын алды. Дуров ата мекенсиз эле жакшы жашаса болорун далилдеп, дүйнөнүн "гениалдуу адамы" болгусу келген болчу. Ubi bene ibi patria. Ал жаңылды", — деген Медведев.
Франциянын ЖМКларынын маалыматы боюнча, Париж соту Telegram мессенжеринин өлкө бийлиги менен иштешүүдөн баш тартуусу Дуровду бир катар кылмыштарга катыштырып жатат деп эсептейт. Ишкерге жекшембиде террорчулук, баңгизат сатуу, алдамчылык жана мыйзамсыз каражатты адалдоо боюнча айып тагылышы мүмкүн. Франциялык журналист Сирил Амурскийдин билдирүүсүнө ылайык, Дуров 20 жылга эркинен ажыратылышы мүмкүн.
Жулиан Ассанж британ түрмөсүнөн бошотулду