© Sputnik_Infographics
Пайыздык көрсөткүч менен алганда өткөн жылга салыштырмалуу быйыл көлөмү 9,4 пайызга аз чыкты. Эгерде былтыр 1-апрелге карата сырткы бересе 583 миллиард доллар болсо, быйылкы жылдын ошол мезгили менен алганда 528 миллиардга түшкөн.
Эске салсак, Кыргызстандын тышкы карызы 2024-жылдын май айынын соңуна карата алынган маалыматтарга таянсак, 4 миллиард 540,84 миллион долларды түзөт.
Ал эми ЕАЭБ алкагында сандарга үңүлүп карай келгенде, бересе Беларусь менен Россияда азайган. Ал эми калган үч мамлекетте — Арменияда (6,4 пайыз), Казакстанда (0,3 пайыз), Кыргызстанда (7,3 пайыз) өскөн.
Евразиялык экономикалык биримдик — 2015-жылдан бери иштеп келе жаткан эл аралык интеграциялык экономикалык уюм. Ага Кыргызстан, Россия, Армения, Беларусь, Казакстан мүчө.