БИШКЕК, 26-янв. — Sputnik. Футбол боюнча Оман курама командасынын машыктыруучусу Бранко Иванкович Кыргызстан менен беттештен кийин кызматынан четтетилди. Бул тууралуу Омандын Футбол федерациясы кабарлаган.
Кечээ кечинде Кыргызстан менен Оман курама командалары беттешип, 1:1 эсеби менен тең чыккан. Мындай жыйынтык эки команданы тең плей-оффко чыгуу мүмкүнчүлүгүнөн ажыратып, мелдештен четтетти. Оюндан жарым саат өтпөй Омандын Футбол федерациясы Иванкович менен келишимди узартууну каалабай турганын жар салган.