БИШКЕК, 16-июн. — Sputnik. Бишкек мэринин милдетин аткарып жаткан Бактыбек Кудайбергенов кичинекей кызды шар аккан каналдан куткарып калган калаа тургуну Залкарбек Сулаймановду сыйлады. Бул тууралуу муниципалитеттин маалымат кызматы кабарлады.
Окуя 10-июнда Аламүдүн-1 кичирайонунда болгон. Анда шар аккан каналга түшүп кеткен кызды ошол жактан өтүп бараткан киши сактап калган.
Мэрия шаардыктарды балдарды көлмөлөрдө жана каналдарда кароосуз калтырбоону эскертти.