БИШКЕК, 19-май — Sputnik. Жогорку евразиялык экономикалык кеңешинин жыйынында биримдикке мүчө өлкөлөрдүн евразиялык интеграциясын мындан ары да тереңдетүүгө багытталган бир катар документтер кабыл алынды.
Жыйын видеоконференция форматында өтүп, Кыргызстандын мамлекет башчысы Сооронбай Жээнбеков катышты.
Кол коюлган документтер:
- "2025-жылга чейин евразиялык экономикалык интеграциянын стратегиялык өнүгүү багыттары жөнүндө" чечим;
- 2014-жылдын 29-майындагы ЕАЭБ жөнүндө келишимдин ЕЭКтин кадрдык курамын түзүү механизмдеринин тактоо бөлүгүнө өзгөртүүлөрдү киргизүү тууралуу протокол;
- "2020-2021-жылдарга карата ЕАЭБге мүчө мамлекеттердин макроэкономикалык саясатынын негизги багыттары жөнүндө" чечим;
- 2014-жылдын 29-майындагы ЕАЭБ жөнүндө келишимдин эркин экономикалык аймагында (атайын, өзгөчө) товарларга импорттун кошумча нарк салыгы бөлүгүнө өзгөртүүлөрдү киргизүү жөнүндө протокол;
- "Жогорку евразиялык экономикалык кеңештин 2015-жылдын 8-майындагы №13 чечимин ишке ашыруу жөнүндө" буйрук (каботаждык жүк ташуу);
- "Евразия экономикалык комиссиясынын трансчекаралык рынокторундагы атаандаштыктын абалы жана жалпы атаандаштык эрежелерди бузууну алдын алуу боюнча кабыл алынган чаралар тууралуу 2019-жылга карата жылдык отчёту жөнүндө" буйрук;
- "Табигый монополиялардын субъекттеринин ишмердүүлүгүн жөнгө салуу боюнча бирдиктүү принциптер жана эрежелер жөнүндө протоколдун 20-беренесинин 5-пунктуна ылайык маалымат берүү жөнүндө" буйрук (2014-жылдын 29-майдагы ЕАЭБ келишиминин №20 тиркемеси);
- "Жогорку евразиялык экономикалык кеңештин кезектеги жыйынын өткөрүү убактысы жана орду жөнүндө" буйрук.