БИШКЕК, 22-янв. — Sputnik. Бишкекте 51 жана 47 жаштагы ага-ини дайынсыз жоголуп, изделип жатат. Бул тууралуу Sputnik Кыргызстан агенттигине алардын жакындары билдирди.
Маалыматка караганда, алгач 51 жаштагы Канат Асанов жоголгон. Ал 2020-жылдын 9-январында саат 18.00дөр чамасында Ынтымак жаңы конушундагы үйүнөн чыгып кеткен боюнча кайтып келген эмес.
Ал эми иниси Кубат Асанов ушул эле жылдын 15-январында Заречное айылынан бир тууганын издөөгө кеткен бойдон дайыны жок.
Канат Асановдун өзгөчө белгилери: бою 160-165 сантиметр, арыкчырай, чачы ак баскан. Көз айнек тагынат. Үстүнө көк түстөгү капюшону бар куртка, кара шым жана кара бут кийимчен.
Бир туугандардын жакындары алардын жүргөн жерин же алар тууралуу маалымат билгендер болсо, төмөнкү телефондорго кабарлап коюуну өтүнөт: 0501 12 42 19, 0551 12 42 19, 0777 74 06 99.