БИШКЕК, 11-фев. — Sputnik. Домодедово аэропортунан учкан “Саратов аба жолдору” компаниясына таандык Ан-148 самолету кулады. Бул туурасында РИА Новости билдирди.
Учак Оренбург облусунун Оркс шаарын көздөй учуп бараткан. Бирок абага көтөрүлгөндөн эки мүнөт өтүп радардан жоголуп кеткен.
“Ан-148 учагында 65 жүргүнчү жана экипаждын 6 мүчөсү болгон”, — деп айтылат ыкчам кызматтын маалыматында.
Ошондой эле учак Рамен районундагы талаага түшкөнү айтылууда. Жабыркагандар туурасында азырынча так маалымат жок. Бул факты боюнча Тергөө комитети кылмыш ишин козгогон.