Кытай жана АКШ лидерлери менен жолугушуудан үмүтүм чоң. Путиндин билдирүүсү

© POOL
/ Жазылуу
БИШКЕК, 18-ноя. — Sputnik. Си Цзиньпин жана Дональд Трамп менен боло турган үч тараптуу жолугушуудан үмүтүм чоң. Бул тууралуу Россиянын президенти Владимир Путин АТЭСтин ишкердик саммитинде сүйлөп жатып билдирди.
Мамлекет башчынын негизги билдирүүлөрү:
Азия-Тынч океан аймагы глобалдык экономиканын борборуна, планетанын өнөр жай жана технологиялык хабына айланды;
Азия өлкөлөрү алдыга карай эбегейсиз секирик жасап, "дүйнөлүк фабрикадан" инновациялардын локомотивине айланышты;
мурдагы гегемондор жаңы мүмкүнчүлүктөргө ыңгайлашуунун ордуна, бүгүн прогресс көрсөтүп жаткан өлкөлөрдүн өнүгүшүн ооздуктоого аракет кылышууда;
Россия санкциялардын сыноосунан татыктуу өттү;
Россия санариптик трансформациянын алдыңкы сабында турат, анын тилдик моделдери дүйнөдөгү эң мыктылардын катарына кирет;
Евробиримдик өлкөлөрүндө жашоо деңгээли евроаймак үчүн уят болгудай деңгээлде төмөндөөдө;
Россия Азия-Тынч океан аймагындагы өнөктөштөрү менен технологияларды бөлүшүүгө, алардын технологиялык эгемендигин бекемдөөгө көмөктөшүүгө даяр;
эгемендикти камсыз кылуу менен гана дүйнөлүк аренада өзгөчөлүктү жана субъективдүүлүктү сактап калууга болот;
Си Цзиньпин жана Дональд Трамп менен боло турган үч тараптуу жолугушуудан үмүтүм чоң.
