https://sputnik.kg/20261110/tramp-shayloonun-taza-otkonunon-shek-sanay-bashtady-1104802275.html
Трамп АКШда жакында болгон шайлоонун таза өткөнүнөн шек санай баштады
Трамп АКШда жакында болгон шайлоонун таза өткөнүнөн шек санай баштады
Sputnik Кыргызстан
БИШКЕК, 10-ноя. — Sputnik. АКШнын президенти Дональд Трамп президенттик мөөнөттүн ортосунда Конгресске болгон шайлоонун таза өткөнүнөн шек санап жатканын... 10.11.2026, Sputnik Кыргызстан
2026-11-10T09:34+0600
2026-11-10T09:34+0600
2026-11-10T09:40+0600
дүйнөдө
акш
дональд трамп
шайлоо
демократтар
республикачылар
шектүү
https://sputnik.kg/img/07e9/0b/1c/1098187579_0:0:3071:1728_1920x0_80_0_0_cc4bacd6ed25e2ff8c5c457957f67af3.jpg
БИШКЕК, 10-ноя. — Sputnik. АКШнын президенти Дональд Трамп президенттик мөөнөттүн ортосунда Конгресске болгон шайлоонун таза өткөнүнөн шек санап жатканын айтууда. Бул туурасында ал өзүнүн социалдык баракчасына жатты. "Ушул "шайлоо" калыс өттү дегенге чындап ишенген бирөө барбы өзү? Сурамжылоолор кантип мынчалык одоно жаңылышсын?" — деп жазды ал Truth Social социалдык тармагына. АКШнын экс-президентинин ырастоосунда, мөөнөтүнөн мурда добуш берүүгө арналган электрондук системаны добуштарды жапырт бурмалоо үчүн пайдаланышкан. "Электрондук машиналарга бир учурда эле оппоненттерге тиешелүү даяр добуштарды боо-боо кылып жүктөп салышты, мындай көлөмдөн кийин шайлоо күнү канча адам келбесин, жеңишке жетүү мүмкүн болбой калды", — деген ал. Кошмо Штаттарда добуш берүү 3-ноябрда өттү. Америкалыктар Өкүлдөр палатасынын 435 мүчөсүн жана 35 сенаторду шайлашы керек болчу. Божомолдорго караганда, Демократиялык партия Конгресстин эки палатасында тең көпчүлүк орунду ээлейт. Парламенттин жаңы курамы өз ишин 3-январда баштайт. Конгрессти көзөмөлдөө демократтарга Трамптын мыйзам чыгаруу демилгелерине бөгөт коюуга, анын администрациясынын ишмердигин иликтөөгө жана мамлекеттик чыгашаларды чектөөгө жол ачат. Мындан тышкары, Сенаттагы көпчүлүк аларга президент сунуштаган талапкерлерди мамлекеттик кызматтарга бекитпей коюу укугун берет. Ак үйдүн башчысы өзү демократтар менен иштешүүгө даяр экенин айтып, республикачылардын утулушун Иран менен болгон чыр-чатактан улам күйүүчү майдын кымбатташына байланыштырды. Шайлоо алдында ал бийликтин эки башка партияга бөлүнүшүн америкалык саясатка мүнөздүү көрүнүш катары баалап, демократтардын мыйзам чыгаруу демилгелерине каршы чыгып, кадимкидей "вето мырза" болорун убада кылган.
https://sputnik.kg/20261105/vashingon-respublikachylardan-ulam-iran-maselesin-cheche-albay-turat-1104728581.html
акш
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, акш, дональд трамп, шайлоо, демократтар, республикачылар, шектүү
дүйнөдө, акш, дональд трамп, шайлоо, демократтар, республикачылар, шектүү
БИШКЕК, 10-ноя. — Sputnik. АКШнын президенти Дональд Трамп президенттик мөөнөттүн ортосунда Конгресске болгон шайлоонун таза өткөнүнөн шек санап жатканын айтууда. Бул туурасында ал өзүнүн социалдык баракчасына жатты.
"Ушул "шайлоо" калыс өттү дегенге чындап ишенген бирөө барбы өзү? Сурамжылоолор кантип мынчалык одоно жаңылышсын?" — деп жазды ал Truth Social социалдык тармагына.
АКШнын экс-президентинин ырастоосунда, мөөнөтүнөн мурда добуш берүүгө арналган электрондук системаны добуштарды жапырт бурмалоо үчүн пайдаланышкан.
"Электрондук машиналарга бир учурда эле оппоненттерге тиешелүү даяр добуштарды боо-боо кылып жүктөп салышты, мындай көлөмдөн кийин шайлоо күнү канча адам келбесин, жеңишке жетүү мүмкүн болбой калды", — деген ал.
Кошмо Штаттарда добуш берүү 3-ноябрда өттү. Америкалыктар Өкүлдөр палатасынын 435 мүчөсүн жана 35 сенаторду шайлашы керек болчу. Божомолдорго караганда, Демократиялык партия Конгресстин эки палатасында тең көпчүлүк орунду ээлейт. Парламенттин жаңы курамы өз ишин 3-январда баштайт.
Конгрессти көзөмөлдөө демократтарга Трамптын мыйзам чыгаруу демилгелерине бөгөт коюуга, анын администрациясынын ишмердигин иликтөөгө жана мамлекеттик чыгашаларды чектөөгө жол ачат. Мындан тышкары, Сенаттагы көпчүлүк аларга президент сунуштаган талапкерлерди мамлекеттик кызматтарга бекитпей коюу укугун берет.
Ак үйдүн башчысы өзү демократтар менен иштешүүгө даяр экенин айтып, республикачылардын утулушун Иран менен болгон чыр-чатактан улам күйүүчү майдын кымбатташына байланыштырды. Шайлоо алдында ал бийликтин эки башка партияга бөлүнүшүн америкалык саясатка мүнөздүү көрүнүш катары баалап, демократтардын мыйзам чыгаруу демилгелерине каршы чыгып, кадимкидей "вето мырза" болорун убада кылган.
