Кыргызстан тоок этин жана жумуртканы ЕАЭБге экспорттоону көбөйтө алабы?
11:04 07.10.2026 (Жаңыртылды: 11:16 07.10.2026)
Кыргызстан тоок этин жана жумуртканы ЕАЭБге экспорттоону көбөйтө алабы?
Жазылуу
Коноктор
Тилек Табалдиев, Айыл чарба жана кайра иштетүү өнөр жай министирлигине караштуу, ветеринардык санитардык коопсуздугунун башкармалыгынын башчысы
Өлкөнүн тоок эти жана жумуртка боюнча экспорттук мүмкүнчүлүктөрү тууралуу “Спутниктен сүйлөйбүз” программасында Айыл чарба жана кайра иштетүү өнөр жай министрлигине караштуу Ветеринардык-санитардык коопсуздук башкармалыгынын башчысы Тилек Табалдиев айтып берди.Адистин айтымында, Кыргызстан акыркы сегиз айда 1000 тонна тоок этин экспорттогон. Ал эми, былтыр 12 миллион даана жумуртка экспорттолсо, быйыл экспорттолгон жок. Мунун бирден бир себеби, өлкөдө өндүрүлгөн продукциянын ички рынокко багытталышы. Учурда өлкө өзүн жумуртка менен 100 пайыз камсыздай алат.“Тоок эти жана жумуртканы экспорттоодо продукциянын сапаты, баасы, логистикасы жана импорттоочу өлкөнүн талаптары маанилүү. Өндүрүүчү тышкы рынокко чыгуу үчүн тиешелүү документтерди даярдап, продукциянын белгиленген стандарттарга жооп беришин камсыздоого тийиш. ЕАЭБ өлкөлөрүнө экспорттоодо бирдиктүү талаптар сакталса, башка мамлекеттердин рынокторуна чыгууда алардын өзүнчө талаптары эске алынат. Учурда биз Россиядан тышкары Кытайга да тоок этин экспорттоо боюнча иштерди жүргүзүп жатабыз. Жакында Кытайдын эшиктери ачылса, бул өндүрүүчүлөр үчүн чоң мүмкүнчүлүк болмок. Ошондой эле экспорттун географиясын кеңейтүүдө өндүрүүчүлөрдүн атаандаштыкка жөндөмдүүлүгү да маанилүү. Өндүрүштүн көлөмүн көбөйтүү, продукцияны кайра иштетүү жана заманбап талаптарга ылайык таңгактоо экспорттук мүмкүнчүлүктөрдү кеңейтүүгө шарт түзөт,” — деди Табалдиев.Адистин белгилешинче, мамлекет тарабынан экспортко кызыккан ишкерлерди колдоо жана жаңы рынокторго чыгууга шарт түзүү боюнча иштер жүргүзүлүүдө. Тоок эти жана жумуртка менен катар, кайра иштетилген канаттуулардын продукцияларын экспорттоо мүмкүнчүлүктөрүн кеңейтүү да каралууда.
