https://sputnik.kg/20260923/koychiyev-mamlekettik-til-kunu-menen-kuttuktady-1103844370.html
"Кыргыз тили коргоого эмес, колдонууга муктаж". Мамлекеттик катчынын куттуктоосу
"Кыргыз тили коргоого эмес, колдонууга муктаж". Мамлекеттик катчынын куттуктоосу
Sputnik Кыргызстан
БИШКЕК, 23-сен. — Sputnik. Мамлекеттик катчы Арслан Койчиев 23-сентябрь — Мамлекеттик тил күнүнө карата кыргызстандыктарды куттуктап, кыргыз тилин заман... 23.09.2026, Sputnik Кыргызстан
2026-09-23T09:47+0600
2026-09-23T09:47+0600
2026-09-23T09:47+0600
кыргызстан
мамлекеттик тил
мамлекеттик катчы
куттуктоо
майрам
https://sputnik.kg/img/103990/66/1039906614_0:161:3067:1886_1920x0_80_0_0_5ee49a9e6990eaab21a98761c4ac64a1.jpg
БИШКЕК, 23-сен. — Sputnik. Мамлекеттик катчы Арслан Койчиев 23-сентябрь — Мамлекеттик тил күнүнө карата кыргызстандыктарды куттуктап, кыргыз тилин заман талабына ылайык өнүктүрүп, аны билимдин, илимдин, мамлекеттик башкаруунун жана жаңы технологиялардын тилине айландыруу зарылдыгын белгиледи. Бул тууралуу "Ынтымак ордо" билдирди. Мамкатчы мамлекеттик тилди өнүктүрүү жана анын колдонуу чөйрөсүн кеңейтүү боюнча иштер жүрүп жатканын белгиледи. Анын ичинде тил мыйзамдарын өркүндөтүү, мамлекеттик жана муниципалдык кызматкерлердин тил билүү деңгээлин жогорулатуу, мамлекеттик органдарда иш кагаздарын мамлекеттик тилде жүргүзүүнү кеңейтүү боюнча чаралар көрүлүүдө. Ошондой эле тил саясатынын маанилүү багыттарынын бири катары кыргыз тилин санарип мейкиндикте өнүктүрүүнү атады. Бул багытта электрондук платформалар, аудио-видеоматериалдар жана тармактык сөздүктөр иштелип чыгып, түрдүү платформалар ишке киргизилүүдө. Кыргыз тилинин улуттук корпусун түзүү боюнча да иштер жүргүзүлүп жатат. Койчиев кыргыз тилин заманбап коммуникациялардын, билим берүүнүн жана интеллектуалдык өнүгүүнүн натыйжалуу куралына, илимий жана технологиялык ресурска айландыруу зарылдыгын кошумчалады. "Кыргыз тили коргоого эмес, колдонууга муктаж болуп турган чагы. Андыктан баарыңыздарды Айкөл Манас атабыздын тилин таза сактоого, сабаттуу колдонууга жана өнүктүрүүгө өз салымыңыздарды кошууга чакырам", — деди мамлекеттик катчы. Ал сөз соңунда кыргыз тили улуттун үнү, мамлекеттин өзөгү жана келечек муунга калтыра турган эң улуу мурас экенин белгиледи.
https://sputnik.kg/20260912/maksat-aytmatovdun-murasyn-kiyinki-muundun-an-sezimine-siniruu-1103616321.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, мамлекеттик тил, мамлекеттик катчы, куттуктоо, майрам
кыргызстан, мамлекеттик тил, мамлекеттик катчы, куттуктоо, майрам
БИШКЕК, 23-сен. — Sputnik. Мамлекеттик катчы Арслан Койчиев 23-сентябрь — Мамлекеттик тил күнүнө карата кыргызстандыктарды куттуктап, кыргыз тилин заман талабына ылайык өнүктүрүп, аны билимдин, илимдин, мамлекеттик башкаруунун жана жаңы технологиялардын тилине айландыруу зарылдыгын белгиледи. Бул тууралуу "Ынтымак ордо" билдирди.
"Кыргыз тилинин мамлекеттик тил макамына ээ болгонуна быйыл 37 жыл толду. Мамлекеттик тил күнү — улуттук аң-сезимди, тарыхый эс тутумду жана руханий мурастарды сактап келген кыргыз тилинин мамлекеттик макамын даңазалаган маанилүү дата. Тил — ата-бабалардан калган ыйык мурас, улуттук биримдиктин жана мамлекеттүүлүктүн негизги баалуулугу. Аны сактоо, кадырлоо жана заман талабына ылайык өнүктүрүү — азыркы учурдун тарыхый жоопкерчилиги", — деди Койчиев.
Мамкатчы мамлекеттик тилди өнүктүрүү жана анын колдонуу чөйрөсүн кеңейтүү боюнча иштер жүрүп жатканын белгиледи. Анын ичинде тил мыйзамдарын өркүндөтүү, мамлекеттик жана муниципалдык кызматкерлердин тил билүү деңгээлин жогорулатуу, мамлекеттик органдарда иш кагаздарын мамлекеттик тилде жүргүзүүнү кеңейтүү боюнча чаралар көрүлүүдө.
Ошондой эле тил саясатынын маанилүү багыттарынын бири катары кыргыз тилин санарип мейкиндикте өнүктүрүүнү атады. Бул багытта электрондук платформалар, аудио-видеоматериалдар жана тармактык сөздүктөр иштелип чыгып, түрдүү платформалар ишке киргизилүүдө. Кыргыз тилинин улуттук корпусун түзүү боюнча да иштер жүргүзүлүп жатат.
Койчиев кыргыз тилин заманбап коммуникациялардын, билим берүүнүн жана интеллектуалдык өнүгүүнүн натыйжалуу куралына, илимий жана технологиялык ресурска айландыруу зарылдыгын кошумчалады.
"Кыргыз тили коргоого эмес, колдонууга муктаж болуп турган чагы. Андыктан баарыңыздарды Айкөл Манас атабыздын тилин таза сактоого, сабаттуу колдонууга жана өнүктүрүүгө өз салымыңыздарды кошууга чакырам", — деди мамлекеттик катчы.
Ал сөз соңунда кыргыз тили улуттун үнү, мамлекеттин өзөгү жана келечек муунга калтыра турган эң улуу мурас экенин белгиледи.
