Садыр Жапаровго Нью-Йоркто америкалык ишкерлер сыйлык тапшырды
Садыр Жапаровго Нью-Йоркто америкалык ишкерлер сыйлык тапшырды
Sputnik Кыргызстан
БИШКЕК, 22-сен. — Sputnik. Садыр Жапаровго Нью-Йоркто Америка-Кыргыз бизнес-кеңешинин, АКШнын ишкер коомчулугунун атынан Кыргызстандын экономикасын өргө... 22.09.2026, Sputnik Кыргызстан
БИШКЕК, 22-сен. — Sputnik. Садыр Жапаровго Нью-Йоркто Америка-Кыргыз бизнес-кеңешинин, АКШнын ишкер коомчулугунун атынан Кыргызстандын экономикасын өргө тарткан өнүгүүлөрдү жасаганы үчүн сыйлык тапшырылды. Бул туурасында "Ынтымак ордо" билдирди. Эске салсак, президент бул күндөрү АКШда иш сапар менен жүрөт. Мамлекет башчы аталган шаарда АКШнын ишкер чөйрөлөрүнүн жана бизнес-коомчулугунун өкүлдөрү менен жолуккан. Жолугушуунун башында StoneX Group компаниясынын аткаруучу директору Филип Смит сүйлөп, өз пикирлерин, сунуштарын Нью-Йорктун ишкер чөйрөлөрүнүн башка өкүлдөрү да айтышкан. Кыргызстандын экономикасынын учурдагы абалы, инвестициялык мүмкүнчүлүктөр жана америкалык бизнес менен ишкердик байланыштарды кеңейтүүнүн келечеги боюнча түз диалог үчүн аянтча түзүлгөн. Жапаров бизнес жүргүзүүнүн ачык эрежелерин калыптандыруу мындан аркы экономикалык өсүш үчүн маанилүү негиз экенин айткан. Аны менен катар эле жаңы долбоорлорду ишке ашырууга америкалык инвестицияларды тартууга Кыргызстан кызыкдар экенин билдирген.
БИШКЕК, 22-сен. — Sputnik. Садыр Жапаровго Нью-Йоркто Америка-Кыргыз бизнес-кеңешинин, АКШнын ишкер коомчулугунун атынан Кыргызстандын экономикасын өргө тарткан өнүгүүлөрдү жасаганы үчүн сыйлык тапшырылды. Бул туурасында "Ынтымак ордо" билдирди.
Эске салсак, президент бул күндөрү АКШда иш сапар менен жүрөт.
Мамлекет башчы аталган шаарда АКШнын ишкер чөйрөлөрүнүн жана бизнес-коомчулугунун өкүлдөрү менен жолуккан.
Садыр Жапаровго Нью-Йоркто америкалык ишкерлер сыйлык тапшырды
Жолугушуунун башында StoneX Group компаниясынын аткаруучу директору Филип Смит сүйлөп, өз пикирлерин, сунуштарын Нью-Йорктун ишкер чөйрөлөрүнүн башка өкүлдөрү да айтышкан.
Кыргызстандын экономикасынын учурдагы абалы, инвестициялык мүмкүнчүлүктөр жана америкалык бизнес менен ишкердик байланыштарды кеңейтүүнүн келечеги боюнча түз диалог үчүн аянтча түзүлгөн.
"Алар Кыргызстандын экономикасынын өнүгүүсүндөгү оң динамиканы, жүргүзүлүп жаткан реформаларды жана инвестициялык климатты жакшыртуу боюнча көрүлүп жаткан аракеттерди белгилешти. Эл аралык бизнестин Кыргызстанга жана Борбордук Азияга болгон кызыгуусу өсүп жатканына токтолуп, ишкердик байланыштарды мындан ары өнүктүрүүгө жана биргелешкен долбоорлорду ишке ашырууга кызыкдар экендиктерин билдиришти", — деп айтылган.
Жапаров бизнес жүргүзүүнүн ачык эрежелерин калыптандыруу мындан аркы экономикалык өсүш үчүн маанилүү негиз экенин айткан. Аны менен катар эле жаңы долбоорлорду ишке ашырууга америкалык инвестицияларды тартууга Кыргызстан кызыкдар экенин билдирген.
