Кафе-ресторандардын түтүнү Бишкектин абасын канчалык булгайт?
11:04 16.09.2026 (Жаңыртылды: 11:16 16.09.2026)
Кафе-ресторандардын түтүнү Бишкектин абасын канчалык булгайт?
Жазылуу
Коноктор
Медетбек Анарбек уулу, Жаратылыш ресурстары министрлигине караштуу Экологиялык жана техникалык көзөмөл кызматынын Бишкек шаары жана Аламүдүн району боюнча башкармалыгынын башчысы
Бишкек шаарында кафе-ресторандардын саны жылдан-жылга көбөйүп, тамак-аш даярдалган жайлардан чыккан түтүн жана жагымсыз жыт шаар тургундарынын көңүлүн бурган маселелердин бири болуп келет. Айрыкча көмүр, отун же башка отун түрлөрү колдонулган учурда абага кандай зыяндуу заттар бөлүнүп чыгат, мындай түтүн айлана-чөйрөгө жана шаардагы абанын сапатына канчалык таасир этет деген суроолор жаралат. Күз,кыш,жаз мезгилдеринде көп байкалчу смогдун пайда болушу ушул түтүндүн таасири чоң, алардын 47% жеке турак жайлардан чыккан түтүн түзөт ЖЭБ ден чыккан түтүн 10% ал эми калган пайызын авто унаалардан жана мончо, тамак-аш өнөр жайларынан чыккан түтүн түзөт. Кафе жана ресторандарга түтүн чыгаруу боюнча кандай экологиялык талаптар коюлат, морлордун жайгашуусу жана техникалык абалы кандай көзөмөлдөнөт, абага чыккан эмиссиялар кантип текшерилет, мыйзам талаптарын бузган ишкерлерге кандай чаралар көрүлөт? Ушул жана башка суроолордун тегерегинде “Спутниктен Сүйлөйбүз” программасында Жаратылыш ресурстары министрлигине караштуу Экологиялык жана техникалык көзөмөл кызматынын Бишкек шаары жана Аламүдүн району боюнча башкармалыгынын башчысы Медетбек Анарбек уулу менен маек курдук.
