ШКУда маданият ишмерлеринин мааракелерине арналган программа түзүлүшү мүмкүн
© Sputnik / Жантай Макенов
Жазылуу
ЧОЛПОН-АТА, 19-июл. — Sputnik. Россия 2028-жылга карата көрүнүктүү маданият ишмерлеринин мааракелерине арналган ШКУнун атайын программасын түзүүнү сунуштады. Бул тууралуу РФ маданият министринин орун басары Сергей Першин Чолпон-Атада өтүп жаткан ШКУга мүчө өлкөлөрдүн маданият министрлеринин кеңешмесинде билдирди.
Ал программага эл аралык адабий форумдар жана илимий конференциялар, театралдык коюулар жана кино көрсөтүүлөр, музей жана китеп көргөзмөлөрү, адабий кечелер, котормочулардын сынактары жана илимий изилдөөлөр кириши мүмкүн экенин белгиледи.
Ал программага эл аралык адабий форумдар жана илимий конференциялар, театралдык коюулар жана кино көрсөтүүлөр, музей жана китеп көргөзмөлөрү, адабий кечелер, котормочулардын сынактары жана илимий изилдөөлөр кириши мүмкүн экенин белгиледи.
“Бул иште ШКУга мүчө мамлекеттердин улуттук китепканалары, адабий музейлери, университеттери жана котормо мектептери өзгөчө роль ойнойт”, — деди Першин.
Аткаминер ошондой эле 2027-жылы Лев Толстой менен Чыңгыз Айтматовдун мааракелерине арналган иш-чаралардын планын макулдашып баштоону сунуштады.
Россия делегациясынын башчысы ШКУ алкагында маданият саясий жана экономикалык кызматташтыкка жөн гана кошумча эмес, анын моралдык жана тарыхый негизи экенин белгиледи. Анын айтымында, маданият аркылуу элдер бири-бирин жакындан таанып, стереотиптерди жеңип, туруктуу кызматташтык үчүн зарыл болгон ишенимди калыптандырат. Ошондой эле Россия ШКУнун маданий мейкиндигин ачык кылып, биргелешкен долбоорлорду көбөйтүү багытында ишти улантарын билдирди.
Россия делегациясынын башчысы ШКУ алкагында маданият саясий жана экономикалык кызматташтыкка жөн гана кошумча эмес, анын моралдык жана тарыхый негизи экенин белгиледи. Анын айтымында, маданият аркылуу элдер бири-бирин жакындан таанып, стереотиптерди жеңип, туруктуу кызматташтык үчүн зарыл болгон ишенимди калыптандырат. Ошондой эле Россия ШКУнун маданий мейкиндигин ачык кылып, биргелешкен долбоорлорду көбөйтүү багытында ишти улантарын билдирди.
