https://sputnik.kg/20260520/sogush-baatyr-general-panfilov-estelik-1101435591.html
Кыргызстанда СССРдин Баатыры Панфиловдун эстелиги калыбына келтирилди. Видео
Кыргызстанда СССРдин Баатыры Панфиловдун эстелиги калыбына келтирилди. Видео
Sputnik Кыргызстан
Айкел Панфилов айылында жайгашкан. 20.05.2026, Sputnik Кыргызстан
2026-05-20T17:42+0600
2026-05-20T17:42+0600
2026-05-20T17:46+0600
кыргызстан
улуу ата мекендик согуш
иван панфилов
эстелик
видео
https://sputnik.kg/img/07ea/05/14/1101435413_0:0:1920:1080_1920x0_80_0_0_65123e62b501c69fb8a0136ee83053cd.jpg
Салтанатка Россиянын Кыргызстандагы элчиси Сергей Вакунов, Россотрудничество өкүлчүлүгүнүн жетекчиси Альберт Зульхарнеев, генерал Панфиловдун небереси Алуа Байкадамова жана жергиликтүү бийлик өкүлдөрү катышты. Иш-чараны Кыргыз-Россия Славян университети уюштурду. Россиянын элчиси мындай иш-чаралар бизге тынч жана ачык асманда жашоого мүмкүнчүлүк берген улуу инсандарды эскерип, алардын эмгегин унутпоо үчүн абдан маанилүү экенин белгиледи. Панфиловдун небереси бул ишке салым кошкондордун баарына ыраазычылык билдирди. "Генерал Панфиловдун эстелигин калыбына келтирүү маселесин көтөргөн жигиттерге, каражат бөлгөндөргө жана бул ишке салым кошкон ар бир адамга терең ыраазычылык билдирем. Панфилов мурдагы СССРдин дээрлик бардык республикаларын бириктирип турган символ болуп эсептелет. Ал Россияда төрөлүп, Украинада билим алган, Беларуста согушкан. Ошондой эле Тажикстанда, Түркмөнстанда, Кыргызстанда, Өзбекстанда жана Казакстанда кызмат өтөп, Москваны коргогон", — деди Байкадамова. Монументти калыбына келтирүү демилгесин КРСУнун студенти Максим Белов көтөргөн. Анын идеясын университеттин ректору Сергей Волков колдоп, ишти өзү жетектеген. 1972-жылы орнотулган эстелик көп жылдар бою начар абалда болгон. Постаменти бузулуп, сырты урап түшкөн, гранит плиталары жарылып, маалымат жазылган тактайча жарабай калган. Калыбына келтирүү иштери 2025-жылдын март айында, Улуу Жеңиштин 80 жылдыгын утурлай башталган. Эстеликтин айланасы көрктөндүрүлүп, отургучтар коюлуп жарыктандырылды. Ошондой эле балдар жана спорт аянтчалары жабдылды.
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, улуу ата мекендик согуш, иван панфилов, эстелик, видео, видео
кыргызстан, улуу ата мекендик согуш, иван панфилов, эстелик, видео, видео
Кыргызстанда СССРдин Баатыры Панфиловдун эстелиги калыбына келтирилди. Видео
17:42 20.05.2026 (Жаңыртылды: 17:46 20.05.2026) Айкел Панфилов айылында жайгашкан.
Салтанатка Россиянын Кыргызстандагы элчиси Сергей Вакунов, Россотрудничество өкүлчүлүгүнүн жетекчиси Альберт Зульхарнеев, генерал Панфиловдун небереси Алуа Байкадамова жана жергиликтүү бийлик өкүлдөрү катышты. Иш-чараны Кыргыз-Россия Славян университети уюштурду.
Россиянын элчиси мындай иш-чаралар бизге тынч жана ачык асманда жашоого мүмкүнчүлүк берген улуу инсандарды эскерип, алардын эмгегин унутпоо үчүн абдан маанилүү экенин белгиледи.
"Ар бир адам өзүнүн жашаган жеринде каралбай калган эстеликтердин бар-жогуна көз чаптырып койгону оң. Анткени биз үчүн курман болгон адамдардын элесин сактоо аларга болгон сый-урматты билдирет. Бул маселени элчилик жана башка уюмдар менен биргеликте колго алып, адамдар өз каалоосу менен жакшы ишке катышкысы келгидей шарт түзүүгө аракет кылабыз. Эстелик кандай болсо, биздин эс тутум дагы ошондой. Тарыхты унутууга же кайдыгер мамиле кылууга болбойт", — деди Вакунов.
Панфиловдун небереси бул ишке салым кошкондордун баарына ыраазычылык билдирди.
"Генерал Панфиловдун эстелигин калыбына келтирүү маселесин көтөргөн жигиттерге, каражат бөлгөндөргө жана бул ишке салым кошкон ар бир адамга терең ыраазычылык билдирем. Панфилов мурдагы СССРдин дээрлик бардык республикаларын бириктирип турган символ болуп эсептелет. Ал Россияда төрөлүп, Украинада билим алган, Беларуста согушкан. Ошондой эле Тажикстанда, Түркмөнстанда, Кыргызстанда, Өзбекстанда жана Казакстанда кызмат өтөп, Москваны коргогон", — деди Байкадамова.
Монументти калыбына келтирүү демилгесин КРСУнун студенти Максим Белов көтөргөн. Анын идеясын университеттин ректору Сергей Волков колдоп, ишти өзү жетектеген.
"Биздин милдет — колдоо, өнүктүрүү. Куруучу катары мен үчүн эстеликтердин калыбына келтирилиши абдан баалуу. Студент кезде Волгоградда эстеликтерди өз колум менен оңдоп-түзөөгө катышкам. Азыр болсо студенттер менен Кыргызстандагы эстеликтерди калыбына келтирип жатабыз", — деди Волков.
1972-жылы орнотулган эстелик көп жылдар бою начар абалда болгон. Постаменти бузулуп, сырты урап түшкөн, гранит плиталары жарылып, маалымат жазылган тактайча жарабай калган.
Калыбына келтирүү иштери 2025-жылдын март айында, Улуу Жеңиштин 80 жылдыгын утурлай башталган. Эстеликтин айланасы көрктөндүрүлүп, отургучтар коюлуп жарыктандырылды. Ошондой эле балдар жана спорт аянтчалары жабдылды.
