https://sputnik.kg/20260427/iran-akshga-sujloshuulordun-tartibin-sunushtady-1101002334.html
Иран АКШга сүйлөшүүлөрдүн ыраат-тартибин сунуштады
Иран АКШга сүйлөшүүлөрдүн ыраат-тартибин сунуштады
Sputnik Кыргызстан
БИШКЕК, 27-апр. — Sputnik. Иран ортомчулар аркылуу АКШга сүйлөшүүлөрдүн формуласын сунуштаганын Al Mayadeen телеканалы кабарлады. 27.04.2026, Sputnik Кыргызстан
2026-04-27T09:54+0600
2026-04-27T09:54+0600
2026-04-27T09:54+0600
дүйнөдө
акш
иран
пакистан
сүйлөшүү
план
тынчтык
согуш
https://sputnik.kg/img/07e8/01/13/1082028715_264:0:3906:2048_1920x0_80_0_0_439dc470ccd75cbb4d0f2be5de6f0452.jpg
БИШКЕК, 27-апр. — Sputnik. Иран ортомчулар аркылуу АКШга сүйлөшүүлөрдүн формуласын сунуштаганын Al Mayadeen телеканалы кабарлады. Сунушка ылайык, биринчи этапта кан төгүүнү токтотуп, Иран менен Ливанга карата согуштук аракеттерден баш тарткан кепилдик алууга басым жасалат. Эгер тараптар эпке келсе, экинчи этап башталып, анда согуш токтогондон кийин Ормуз кысыгын Оман менен биргеликте көзөмөлдөө тартиби талкууланышы керек. Бул "жаңы укуктук система түзүү" үчүн зарыл. Ирандын өзөктүк программасы менен байланышкан үчүнчү этапка тараптар биринчи жана экинчи баскычтагы маселелер боюнча орток пикирге келгенден кийин гана өтүшөт. Тегеран арачы түшүп жаткан Пакистан аркылуу Ормуз кысыгын ачуу жана жаңжалды биротоло токтотуу каралган сунушун берип жибергенин Axios порталы да америкалык аткаминерлерге таянып жазды. Иран ТИМинин башчысы Аббас Аракчи ортомчуларга өлкө жетекчилигинин арасында АКШнын уран байытууну жана аны тышка чыгарууну токтотуу табалы боюнча бир беткей пикир жок экенин айтканы маалымдалды. Белгилей кетсек, ишемби күнү АКШ президенти Дональд Трамп ирандыктар менен сүйлөшө турган делегациянын Пакистанга сапарын токтотуп койгонун билдирген. Көп өтпөй Ирандан алда канча пайдалуу сунуш түшкөнүн кабарлаган. Анткен менен Тегеран сүйлөшүүлөр тууралуу айтылган сөздөрдү башынан эле четке кагып келет. Өз кезегинде Ирандын президенти Масуд Пезешкиан Пакистандын премьер-министри Шехбас Шариф менен байланышып, Тегеран кысым, опуза алдында калып эч кандай сүйлөшүү жүргүзбөй турганын билдирди. Эскерте кетсек, 8-апрель күнү Вашингтон менен Тегеран эки жумага ок чыгарбай турууга макулдашкан, бирок андан кийинки сүйлөшүүлөр натыйжа берген эмес. АКШ каршы тараптын портторун бөгөттөп, макулдашуу түзүлгөндөн кийин гана ачарын айтса, Иран Ормуз кысыгын жаап, жолугушуудан биротоло баш тарткан. Ар арада Трамп өз алдынча эле элдешүүнүн мөөнөтүн узартып, ал Иран абалды жөнгө салуу боюнча план иштеп чыгып, делегациялар сүйлөшүү жүргүзмөйүнчө күчүндө болорун билдирген.
https://sputnik.kg/20260423/akshda-irandyn-zhene-turganyn-aytyshuuda-1100947324.html
акш
иран
пакистан
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, акш, иран, пакистан, сүйлөшүү, план, тынчтык, согуш
дүйнөдө, акш, иран, пакистан, сүйлөшүү, план, тынчтык, согуш
БИШКЕК, 27-апр. — Sputnik. Иран ортомчулар аркылуу АКШга сүйлөшүүлөрдүн формуласын сунуштаганын
Al Mayadeen телеканалы кабарлады.
"Иран ортого түшүп жаткан тараптарга үч этапка негизделген сүйлөшүүлөрдүн ыраат-тартибин берди. Вашингтон аны кабыл алса, Тегеран ошол формулага таянып жолугушууга барат", — деп айтылат макалада.
Сунушка ылайык, биринчи этапта кан төгүүнү токтотуп, Иран менен Ливанга карата согуштук аракеттерден баш тарткан кепилдик алууга басым жасалат.
Эгер тараптар эпке келсе, экинчи этап башталып, анда согуш токтогондон кийин Ормуз кысыгын Оман менен биргеликте көзөмөлдөө тартиби талкууланышы керек. Бул "жаңы укуктук система түзүү" үчүн зарыл.
Ирандын өзөктүк программасы менен байланышкан үчүнчү этапка тараптар биринчи жана экинчи баскычтагы маселелер боюнча орток пикирге келгенден кийин гана өтүшөт.
Тегеран арачы түшүп жаткан Пакистан аркылуу Ормуз кысыгын ачуу жана жаңжалды биротоло токтотуу каралган сунушун берип жибергенин Axios порталы да америкалык аткаминерлерге таянып жазды. Иран ТИМинин башчысы Аббас Аракчи ортомчуларга өлкө жетекчилигинин арасында АКШнын уран байытууну жана аны тышка чыгарууну токтотуу табалы боюнча бир беткей пикир жок экенин айтканы маалымдалды.
Белгилей кетсек, ишемби күнү АКШ президенти Дональд Трамп ирандыктар менен сүйлөшө турган делегациянын Пакистанга сапарын токтотуп койгонун билдирген. Көп өтпөй Ирандан алда канча пайдалуу сунуш түшкөнүн кабарлаган. Анткен менен Тегеран сүйлөшүүлөр тууралуу айтылган сөздөрдү башынан эле четке кагып келет.
Өз кезегинде Ирандын президенти Масуд Пезешкиан Пакистандын премьер-министри Шехбас Шариф менен байланышып, Тегеран кысым, опуза алдында калып эч кандай сүйлөшүү жүргүзбөй турганын
билдирди.
Эскерте кетсек, 8-апрель күнү Вашингтон менен Тегеран эки жумага ок чыгарбай турууга макулдашкан, бирок андан кийинки сүйлөшүүлөр натыйжа берген эмес. АКШ каршы тараптын портторун бөгөттөп, макулдашуу түзүлгөндөн кийин гана ачарын айтса, Иран Ормуз кысыгын жаап, жолугушуудан биротоло баш тарткан.
Ар арада Трамп өз алдынча эле элдешүүнүн мөөнөтүн узартып, ал Иран абалды жөнгө салуу боюнча план иштеп чыгып, делегациялар сүйлөшүү жүргүзмөйүнчө күчүндө болорун билдирген.
