https://sputnik.kg/20251125/odkb-bezopasnost-zashchita-sammit-kyrgyzstan-1098095399.html
Артур Медетбеков: ЖККУ — Кыргызстан үчүн ишенимдүү калкан
Артур Медетбеков: ЖККУ — Кыргызстан үчүн ишенимдүү калкан
Sputnik Кыргызстан
БИШКЕК, 25-ноя. — Sputnik. "ЖККУ — Кыргызстандын коопсуздугун камсыздоодогу ишенимдүү калкан" деген пикирин УКМКнын жетекчисинин мурдагы орун басары... 25.11.2025, Sputnik Кыргызстан
2025-11-25T19:11+0600
2025-11-25T19:11+0600
2025-11-25T19:11+0600
жкку
кыргызстан
артур медетбеков
аймак
кызматташуу
кол салуу
https://sputnik.kg/img/07e7/0a/0b/1079338921_0:156:3000:1844_1920x0_80_0_0_2d4799dd24422f0de991cd4d7ae8cb11.jpg
БИШКЕК, 25-ноя. — Sputnik. "ЖККУ — Кыргызстандын коопсуздугун камсыздоодогу ишенимдүү калкан" деген пикирин УКМКнын жетекчисинин мурдагы орун басары, генерал-майор, "Альфа-антитеррор" коомдук бирикмесинин президенти Артур Медетбеков Sputnik агенттигине айтып берди. Эске салсак, Бишкекте өтө турган Жамааттык коопсуздук келишими уюмунун саммитине Россиянын, Беларустун, Казакстандын жана Тажикстандын президенттери катышмакчы. Анда эл аралык коомчулуктун жана аймактын коопсуздук маселелери кеңири талкууланып, жыл ичинде жасалган иштердин жыйынтыгы чыгарылат. Бул сапар саммитке Кыргызстан төрагалык кылат. Медетбековдун айтымында, уюмдун Евразиядагы, тагыраагы, Кыргызстандагы коопсуздук боюнча ролу өтө маанилүү. Ал бүгүн ЖККУга мүчө мамлекеттердин айланасында бир топ кооптуулуктар жана көйгөйлөр турганын белгиледи. "ЖККУ экстремизмге, террорчулукка каршы күрөш жаатындагы ишти өркүндөтүшү керек, мындан сырткары, кибер жана биологиялык коопсуздук боюнча да бул иштер өтө маанилүү болуп турат. Уюм ыкчам иш алып барууну күчтөндүрүшү шарт. Эгерде Бишкектеги саммит туурасында айтсак, ЖККУга мүчө мамлекеттер дүйнөдөгү геосаясатка баа берип, кооптуулуктарга каршы туруудагы чечимдерди иштеп чыгууга басым жасашы айкын болуп турат. Муну менен катар эле Батыштын тиешелүү түзүмдөрүнүн биздин өлкөлөрдөгү кырдаалга таасир этүү аракеттерине да көңүл бурушу да маанилүү", — деп түшүндүрдү Медетбеков. Ал Кыргызстанда абадагы кол салуудан коргонуучу, орто жана алыска атылуучу авиациялык күчтөрдүн жоктугун айтып, андыктан ЖККУнун форматында кызматташуу, уюмга мүчөлүк өлкөнүн өзүнө эле пайдалуу болорун белгиледи.
https://sputnik.kg/20251125/bishkektegi-zhkkunun-sammitinde-ondon-ashyk-chechimge-kol-koyulat-1098090353.html
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жкку, кыргызстан, артур медетбеков, аймак, кызматташуу, кол салуу
жкку, кыргызстан, артур медетбеков, аймак, кызматташуу, кол салуу
БИШКЕК, 25-ноя. — Sputnik. "ЖККУ — Кыргызстандын коопсуздугун камсыздоодогу ишенимдүү калкан" деген пикирин УКМКнын жетекчисинин мурдагы орун басары, генерал-майор, "Альфа-антитеррор" коомдук бирикмесинин президенти Артур Медетбеков Sputnik агенттигине айтып берди.
Эске салсак, Бишкекте өтө турган Жамааттык коопсуздук келишими уюмунун саммитине Россиянын, Беларустун, Казакстандын жана Тажикстандын президенттери катышмакчы. Анда эл аралык коомчулуктун жана аймактын коопсуздук маселелери кеңири талкууланып, жыл ичинде жасалган иштердин жыйынтыгы чыгарылат. Бул сапар саммитке Кыргызстан төрагалык кылат.
Медетбековдун айтымында, уюмдун Евразиядагы, тагыраагы, Кыргызстандагы коопсуздук боюнча ролу өтө маанилүү.
"Бардыгыбыз ЖККУнун аскердик-саясий блогу ага мүчө мамлекеттерди коргоо үчүн түзүлгөнүн билебиз. Уюмдун ичинде бир нече аскердик-саясий жааттагы милдеттер коюлган. Анын ичинде Коргоо министрлиги менен кызматташуунун алкагында Кыргызстанды аскердик жабдуу, техника менен камсыздоо каралган. Биздин аскерлер Коргоо министрлиги жүргүзгөн иштердин негизинде машыгуудан өтүп, Россиянын жогорку окуу жайларынан мыкты билим алып, мыкты даярданып келишти. Мындан сырткары, мыйзамсыз миграцияга, уюшкан кылмыштуулукка каршы туруу жана баңгизат саткан жолду жабуу боюнча иш-чаралар өткөрүлүүдө. Мунун бардыгы ЖККУга мүчө мамлекеттер жана өз өлкөбүздүн ички саясий туруктуулугу үчүн өтө маанилүү", — деди Медетбеков.
Ал бүгүн ЖККУга мүчө мамлекеттердин айланасында бир топ кооптуулуктар жана көйгөйлөр турганын белгиледи.
"ЖККУ экстремизмге, террорчулукка каршы күрөш жаатындагы ишти өркүндөтүшү керек, мындан сырткары, кибер жана биологиялык коопсуздук боюнча да бул иштер өтө маанилүү болуп турат. Уюм ыкчам иш алып барууну күчтөндүрүшү шарт. Эгерде Бишкектеги саммит туурасында айтсак, ЖККУга мүчө мамлекеттер дүйнөдөгү геосаясатка баа берип, кооптуулуктарга каршы туруудагы чечимдерди иштеп чыгууга басым жасашы айкын болуп турат. Муну менен катар эле Батыштын тиешелүү түзүмдөрүнүн биздин өлкөлөрдөгү кырдаалга таасир этүү аракеттерине да көңүл бурушу да маанилүү", — деп түшүндүрдү Медетбеков.
Ал Кыргызстанда абадагы кол салуудан коргонуучу, орто жана алыска атылуучу авиациялык күчтөрдүн жоктугун айтып, андыктан ЖККУнун форматында кызматташуу, уюмга мүчөлүк өлкөнүн өзүнө эле пайдалуу болорун белгиледи.
