Жасалма интеллектинин негизинде "Айтил" платформасы ишке кирди
17:01 17.06.2025 (Жаңыртылды: 14:33 25.06.2025)
© Фото / Unsplash / Glenn Carstens-Peters
Жазылуу
БИШКЕК, 17-июн. — Sputnik. Жасалма интеллектинин негизинде "Айтил" платформасы ишке кирди.
Мамлекеттик тил боюнча улуттук комиссиянын төрагасы Мелис Мураталиевдин айтымында, платформа жана ага байланыштуу программалар 4 жылдын ичинде даярдалды.
"Айтилдин" негизги функциялары:
Текстти үнгө айландыруу — жазылган текстти табигый үндө кыргызча окуп берет;
Үндү текстке айландыруу — маектерди, баяндамаларды жана аудиоматериалдарды автоматтык түрдө кыргыз тилиндеги текстке өткөрөт;
Котормо кызматы — кыргыз тили менен 10 башка тилдин ортосунда котормо жүргүзөт;
Чат-бот — колдонуучуга кыргыз тилинде маалымат берип, суроолорго жооп кайтаруучу акылдуу жардамчы катары иштейт;
Видеокотормо кызматы — видеолорду чечмелеп, мамлекеттик тилде субтитр же котормо сунуштайт;
Кыргызча OCR кызматы — сүрөт же документтен кыргыз тилиндеги текстти таанып, даяр текстке айлантат.
