https://sputnik.kg/20250426/rossiya-aksh-ukraina-sergej-lavrov-sujloshuu-1093578894.html
Лавров АКШ менен Украина жаатындагы сүйлөшүүлөр боюнча пикирин билдирди
Лавров АКШ менен Украина жаатындагы сүйлөшүүлөр боюнча пикирин билдирди
Sputnik Кыргызстан
БИШКЕК, 26-апр. — Sputnik. Россия Украина маселесин жөнгө салуу боюнча АКШ менен сүйлөшүүлөрдүн жүрүшүн процесс расмий аяктаганга чейин коомчулукка жарыялоону... 26.04.2025, Sputnik Кыргызстан
2025-04-26T13:04+0600
2025-04-26T13:04+0600
2025-04-27T12:20+0600
россиянын донбассты коргоо боюнча атайын операциясы
дүйнөдө
россия
акш
украина
сергей лавров
сүйлөшүүлөр
https://sputnik.kg/img/07e7/04/1a/1074747393_0:9:3000:1697_1920x0_80_0_0_3014e5811f68438a5ab84c04d85babc0.jpg
БИШКЕК, 26-апр. — Sputnik. Россия Украина маселесин жөнгө салуу боюнча АКШ менен сүйлөшүүлөрдүн жүрүшүн процесс расмий аяктаганга чейин коомчулукка жарыялоону көздөбөйт. Бул тууралуу ТИМ башчысы Сергей Лавров CBS журналисти Маргарет Бреннан менен курган маегинде айтканын РИА Новости жазды.Министр бул маселени Владимир Зеленский менен талкуулоону сунуштап, Киев режиминин башчысы, тескерисинче, каалаган адам менен, а түгүл АКШнын президенти Дональд Трамп менен да маалымат каражаттары аркылуу сүйлөшүүгө даяр экенин белгилеген.Лавров жума күнү Ак үйдүн кожоюнун Украинадагы согуштун чыныгы себептерин билген балким жалгыз дүйнөлүк лидер деп атаган. Министрдин айтымында, Трамп бул маселе боюнча макулдашууга аз убакыт калганына ишенет, бирок айрым жагдайларын жакшылап, бышырып иштеп чыгуу зарыл.Ошол эле күнү кечинде Кремлде Россия президенти Владимир Путин менен АКШ президентинин атайын өкүлү Стив Уиткофф жолукту. Анда тараптар Россия менен Украинанын өкүлдөрүнүн түз сүйлөшүү мүмкүнчүлүктөрүн кайра баштоону талкуулап, Москва менен Вашингтондун бир катар эл аралык маселелерде позицияларын жакындатышкан. Жолугушуу үч саатка созулган.РФ башчысынын ага чейинки америкалык өкүл менен жолугушуусу 11-апрелде Санкт-Петербургда өтүп, төрт жарым саатка созулган. Президенттин жардамчысы Юрий Ушаковдун айтымында, алар негизинен Украина боюнча кеп кылышкан, ошол эле учурда саясий жана экономикалык багыттарда да талкуу болгон.Уиткофф сүйлөшүүлөрдөн кийин "дүйнө үчүн глобалдык маанидеги негизги нерсенин босогосунда турууга мүмкүнчүлүк жаралганын" айткан.
https://sputnik.kg/20250425/lavrov-zhurnalistke-chymchygan-zhoop-kaytardy-1093553938.html
акш
украина
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, россия, акш, украина, сергей лавров, сүйлөшүүлөр
дүйнөдө, россия, акш, украина, сергей лавров, сүйлөшүүлөр
БИШКЕК, 26-апр. — Sputnik. Россия Украина маселесин жөнгө салуу боюнча АКШ менен сүйлөшүүлөрдүн жүрүшүн процесс расмий аяктаганга чейин коомчулукка жарыялоону көздөбөйт. Бул тууралуу ТИМ башчысы Сергей Лавров CBS журналисти Маргарет Бреннан менен курган маегинде айтканын
РИА Новости жазды.
"Биз чынында абдан сылык, токтоо адамдарбыз. Айрымдардан айырмаланып, сүйлөшүүлөрдө эмне кеп болгонун эл алдында эч качан талкуулабайбыз. Антпесе, сүйлөшүүлөр олуттуу болбойт", — деген ал.
Министр бул маселени Владимир Зеленский менен талкуулоону сунуштап, Киев режиминин башчысы, тескерисинче, каалаган адам менен, а түгүл АКШнын президенти Дональд Трамп менен да маалымат каражаттары аркылуу сүйлөшүүгө даяр экенин белгилеген.
Лавров жума күнү Ак үйдүн кожоюнун Украинадагы согуштун чыныгы себептерин билген балким жалгыз дүйнөлүк лидер деп атаган. Министрдин айтымында, Трамп бул маселе боюнча макулдашууга аз убакыт калганына ишенет, бирок айрым жагдайларын жакшылап, бышырып иштеп чыгуу зарыл.
Ошол эле күнү кечинде Кремлде Россия президенти Владимир Путин менен АКШ президентинин атайын өкүлү
Стив Уиткофф жолукту. Анда тараптар Россия менен Украинанын өкүлдөрүнүн түз сүйлөшүү мүмкүнчүлүктөрүн кайра баштоону талкуулап, Москва менен Вашингтондун бир катар эл аралык маселелерде позицияларын жакындатышкан. Жолугушуу үч саатка созулган.
РФ башчысынын ага чейинки америкалык өкүл менен жолугушуусу 11-апрелде Санкт-Петербургда өтүп, төрт жарым саатка созулган. Президенттин жардамчысы Юрий Ушаковдун айтымында, алар негизинен Украина боюнча кеп кылышкан, ошол эле учурда саясий жана экономикалык багыттарда да талкуу болгон.
Уиткофф сүйлөшүүлөрдөн кийин "дүйнө үчүн глобалдык маанидеги негизги нерсенин босогосунда турууга мүмкүнчүлүк жаралганын" айткан.
