https://sputnik.kg/20250404/tushtuk-koreyanyn-prezidenti-impichment-menen-kyzmatynan-ketti-1093103059.html
Түштүк Кореянын президенти импичмент менен кызматынан кетти
Түштүк Кореянын президенти импичмент менен кызматынан кетти
Sputnik Кыргызстан
Ал арада өлкөнүн ичинде президентти жактагандар менен ага каршы чыккандардын нааразылык акциялары өтүп, беш миңдей киши катышканы айтылды. 04.04.2025, Sputnik Кыргызстан
2025-04-04T10:04+0600
2025-04-04T10:04+0600
2025-04-04T10:51+0600
дүйнөдө
түштүк корея
импичмент
саясат
конституциялык сот
чечим
юн сок ёль
президент
https://sputnik.kg/img/07e9/04/04/1093106139_0:0:3072:1728_1920x0_80_0_0_9b6855a04a7432c11350ba22c74806e6.jpg
БИШКЕК, 4-апр. — Sputnik. Түштүк Кореянын Конституциялык соту өлкөнүн президенти Юн Сок Ёлдун импичментин тастыктады. Бул туурасында РИА Новостинин кабарчысы билдирди. Өткөн жума күнү Түштүк Кореянын Конституциялык соту парламенттин мамлекет башчынын импичменти туурасындагы сунуштамасын кабыл алуу боюнча чечим чыгарган. Бул эми Юн Сок Ёль кызматынан толугу менен кетти дегенди билдирерин айтышты.Бул чечим парламент президентти кызматынан четтетүү боюнча сунуштагандан 111 күн, соттук угуулардан 38 күн өткөндөн кийин кабыл алынган. Айтмакчы, бул өлкөнүн тарыхындагы өтө узак каралган иш болду.Бир аз артка кайрылсак, Түштүк Кореянын мурдагы президенти Пак Кын Хени кызматтан кетүү боюнча акыркы чечим 2016-жылы талкуу, жарыш сөздөр аяктагандан 11 күндөн соң кабыл алынган. Ал эми 2004-жылы президент Но Му Хён боюнча документти даярдоо 14 күндү талап кылган. Юн Сок Ёль импичмент менен кызматтан кеткен Пак Кын Хеден кийинки экинчи президент болду.Эми Түштүк Кореяда мөөнөтсүз шайлоо өтөт. Жаңы президент 60 күндүн ичинде, тагыраагы, 3-июнга чейин шайланышы керек. Ага чейин мамлекет башчынын милдетин премьер-министр Хан Док Су аткарып турмакчы.Ал арада өлкөнүн ичинде президентти жактагандар менен ага каршы чыккандардын нааразылык акциялары өттү. Митингчилер Конституциялык соттун имаратынын жанына чогулушкан. Кырдаалдын чыңалгандыгынан улам полиция кызматы имаратка кирген жолду тосуп койгон. Тартип сакчылардын айтымында, беш миңге чукул адам жыйналган.Импичменттин тарыхы2024-жылдын 4-декабрына караган түнү Түштүк Кореянын президенти өлкөнү колдогон күчтөрдү тазалоо жана либералдык конституциялык түзүлүштү сактоо үчүн аскердик абал киргизилгенин жарыялаган. Бирок мындай кадамын парламент колдогон эмес. Мамлекет башчысы ага импичмент жарыялоо бийликти шал кылып коет деген.Парламент Юн Сок Ёль киргизген аскердик абалды алып салууга каршы чыккан эмес, тагыраагы, жыйынга келген 190 депутаттын баары тең "макул" деп добуш беришкен. Депутаттык корпуста жалпысынан 300 эл өкүлү бар. Президент "козголоң чыгарууга аракет кылган, өлкөгө өзгөчө абал киргизип кызматын кыянаттык менен пайдаланган, өзгөчө абалды жоюу боюнча депутаттар добуш берерде парламентке аскер күчүн жөнөткөн" деп айыпталууда.Юн Сок Ёль аталган айыптарды четке кагып, "аракеттеринин баары мамлекеттик башкаруунун актысы" экенин, муну менен учурда парламентте басымдуулук кылган "оппозициялык партияга мыйзам чыгаруучу бийлигинен кыянаттык менен пайдаланбоосуна эскертүү" бергенин айтып келет.Парламент 14-декабрда президентке импичмент жарыялаган. Юн Сок Ёль кызматынан убактылуу четтетилген. Анын биротоло кетүүсү боюнча маселени Конституциялык сот карашы керек эле.Юн Сок Ёль аскердик абал киргизгенине байланыштуу суракты тоготпой, үч ирет келбей койгон соң гана сот аны камоого ордер берген.
https://sputnik.kg/20241231/tushtuk-koreyanyn-sotu-prezidentin-karmoogo-order-berdi-1091182164.html
түштүк корея
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, түштүк корея, импичмент, саясат, конституциялык сот, чечим, юн сок ёль, президент
дүйнөдө, түштүк корея, импичмент, саясат, конституциялык сот, чечим, юн сок ёль, президент
Түштүк Кореянын президенти импичмент менен кызматынан кетти
10:04 04.04.2025 (Жаңыртылды: 10:51 04.04.2025) Ал арада өлкөнүн ичинде президентти жактагандар менен ага каршы чыккандардын нааразылык акциялары өтүп, беш миңдей киши катышканы айтылды.
БИШКЕК, 4-апр. — Sputnik. Түштүк Кореянын Конституциялык соту өлкөнүн президенти Юн Сок Ёлдун импичментин тастыктады. Бул туурасында
РИА Новостинин кабарчысы билдирди.
Өткөн жума күнү Түштүк Кореянын Конституциялык соту парламенттин мамлекет башчынын импичменти туурасындагы сунуштамасын кабыл алуу боюнча чечим чыгарган. Бул эми Юн Сок Ёль кызматынан толугу менен кетти дегенди билдирерин айтышты.
Бул чечим парламент президентти кызматынан четтетүү боюнча сунуштагандан 111 күн, соттук угуулардан 38 күн өткөндөн кийин кабыл алынган. Айтмакчы, бул өлкөнүн тарыхындагы өтө узак каралган иш болду.
Бир аз артка кайрылсак, Түштүк Кореянын мурдагы президенти Пак Кын Хени кызматтан кетүү боюнча акыркы чечим 2016-жылы талкуу, жарыш сөздөр аяктагандан 11 күндөн соң кабыл алынган. Ал эми 2004-жылы президент Но Му Хён боюнча документти даярдоо 14 күндү талап кылган. Юн Сок Ёль импичмент менен кызматтан кеткен Пак Кын Хеден кийинки экинчи президент болду.
Эми Түштүк Кореяда мөөнөтсүз шайлоо өтөт. Жаңы президент 60 күндүн ичинде, тагыраагы, 3-июнга чейин шайланышы керек. Ага чейин мамлекет башчынын милдетин премьер-министр Хан Док Су аткарып турмакчы.
Ал арада өлкөнүн ичинде президентти жактагандар менен ага каршы чыккандардын нааразылык акциялары өттү. Митингчилер Конституциялык соттун имаратынын жанына чогулушкан. Кырдаалдын чыңалгандыгынан улам полиция кызматы имаратка кирген жолду тосуп койгон. Тартип сакчылардын айтымында, беш миңге чукул адам жыйналган.
2024-жылдын 4-декабрына караган түнү Түштүк Кореянын президенти өлкөнү колдогон күчтөрдү тазалоо жана либералдык конституциялык түзүлүштү сактоо үчүн аскердик абал киргизилгенин жарыялаган. Бирок мындай кадамын парламент колдогон эмес. Мамлекет башчысы ага импичмент жарыялоо бийликти шал кылып коет деген.
Парламент Юн Сок Ёль киргизген аскердик абалды алып салууга каршы чыккан эмес, тагыраагы, жыйынга келген 190 депутаттын баары тең "макул" деп добуш беришкен. Депутаттык корпуста жалпысынан 300 эл өкүлү бар. Президент "козголоң чыгарууга аракет кылган, өлкөгө өзгөчө абал киргизип кызматын кыянаттык менен пайдаланган, өзгөчө абалды жоюу боюнча депутаттар добуш берерде парламентке аскер күчүн жөнөткөн" деп айыпталууда.
Юн Сок Ёль аталган айыптарды четке кагып, "аракеттеринин баары мамлекеттик башкаруунун актысы" экенин, муну менен учурда парламентте басымдуулук кылган "оппозициялык партияга мыйзам чыгаруучу бийлигинен кыянаттык менен пайдаланбоосуна эскертүү" бергенин айтып келет.
Парламент 14-декабрда президентке
импичмент жарыялаган. Юн Сок Ёль кызматынан убактылуу четтетилген. Анын биротоло кетүүсү боюнча маселени Конституциялык сот карашы керек эле.
Юн Сок Ёль аскердик абал киргизгенине байланыштуу суракты тоготпой, үч ирет келбей койгон соң гана сот аны камоого ордер берген.
31 Бештин айы 2024, 11:15
