Бишкекте батирлердин ремонту жылына 50-100 долларга кымбаттап жатат
© Sputnik / Асылбек Бактыбеков
Жазылуу
Курулуш боюнча эксперт, куруучу Өмүрбек Абдысаматов Кыргызстанда жер үйдү толук куруп бүтүрүү 6-7 айга созуларын айтты.
Үй курууда бардык этапты бир бригадага тапшырган ыңгайлуу. Эң башкысы, кесипкөй, тажрыйбалуу адистерди табуу керек. Бул тууралуу Өмүрбек Абдысаматов Sputnik Кыргызстан радиосуна маек куруп жатып билдирди.
Бишкекте батирлердин ремонту жылына 50-100 долларга кымбаттап жатат
Анын айтымында, өлкөдө үйдүн пайдубалынан баштап орто деңгээлдеги дизайны, материалдары менен толук ремонтун жасап берүү орто эсеп менен чарчы метрине 450-500 долларды түзөт.
"Үй курууда бир топ факторлорду эске алуу керек, курулуш материалдарынын баасы, жумушчулардын акысы, дизайн бар. Курулушта бетон жана арматуранын сапаты, наркы маанилүү. Биздин рынокто көбүнесе Россиядан келген жогорку сапаттагы арматураны алууга аракет кылышат. Учурда цемент өндүргөн заводдор да көбөйүп, тартыштык байкалбайт. Негизи үй салуу жашоодогу маанилүү учурлардын бири да. Ошондуктан буга өзгөчө көңүл буруп, узак жылдар кызмат кыла тургандай болушу кажет. Мисалы, 200 чарчы метр эки кабаттуу үйдү пайдубалынан баштап орто деңгээлдеги дизайны, материалдары менен кошо толук ремонтун жасап берүү чарчы метрине орточо 450-500 долларды түзөт. Колдон келсе арзанга качпай, коопсуз, сапаттуу, ыңгайлуу кылып салып койгон жакшы. Курулушка байланышкан көп материалды импорттогондуктан баа туруктуу эмес. Бишкекте батирлердин ремонту жылына 50-100 долларга чейин кымбаттап жатат. Мындан тышкары, үй курууда бардык этапты бир бригадага тапшырган ыңгайлуу", — деди Абдысаматов.
Ошондой эле ал көп кабаттуу турак жайлардагы батирлердин ремонту орточо 3-4 айга созуларын, ар бир этапты кесипкөй адистер аткарышы керектигин кошумчалады.
