Саламаттык сактоо министри: маркумдун 7-8 органын трансплантацияласа болот
© Sputnik / Григорий Сысоев
/ Жазылуу
БИШКЕК, 31-янв. — Sputnik. Маркумдун 7-8 органын трансплантациялоого болот. Бул тууралуу саламаттык сактоо министри Алымкадыр Бейшеналиев Жогорку Кеңештин "Ыйман нуру" депутаттык тобу менен "Ишеним" фракциясынын жыйынында билдирди.
Анын айтымында, учурда көз жумгандан кийин адамдын органдарын алууга уруксат берүү маселеси каралууда.
"Көз жумгандан кийин донор болууга уруксат берүү каралууда. Диний жактан карама-каршылык жоктугун молдолор менен талкуулап, макулдугун алдык. Маркумдук донорлукка өтсөк бир эле адамдан 7-8 орган алса болот. Биринчиден, боор алынат. Дүйнөдө негизинен боор өлгөн адамдан алынат. Экинчиден, бөйрөк, чучук, өпкө, анан жүрөк алынат", — деди Бейшеналиев.
Буга чейин министр донор табуу эң негизги көйгөй экенин айтып, көз жумгандан кийин жана ыктыярдуу донор болууга уруксат берүү каралып жатканын айткан.
14 Тогуздун айы 2024, 17:35
