https://sputnik.kg/20241230/fitso-kiyev-biyliginin-gaz-tranziti-boyuncha-chechimi-tuuraluu-aytty-1091160598.html
Россия газын өткөрбөйм деген Украинанын чечими боюнча словак премьери кат жазды
Россия газын өткөрбөйм деген Украинанын чечими боюнча словак премьери кат жазды
Sputnik Кыргызстан
БИШКЕК, 30-дек. — Sputnik. Словакия премьер-министри Роберт Фицо Европа биримдигинин жетекчилигин Украинанын Россия газын албоо боюнча чечимине көңүл буруусун... 30.12.2024, Sputnik Кыргызстан
2024-12-30T10:36+0600
2024-12-30T10:36+0600
2024-12-30T10:36+0600
дүйнөдө
россия
украина
словакия
газ
транзит
роберт фицо
каатчылык
эскертүү
кат
https://sputnik.kg/img/07e8/0c/1e/1091160743_0:189:2803:1766_1920x0_80_0_0_55a11c7ec8e5654d8bb7391250ec82e9.jpg
БИШКЕК, 30-дек. — Sputnik. Словакия премьер-министри Роберт Фицо Европа биримдигинин жетекчилигин Украинанын Россия газын албоо боюнча чечимине көңүл буруусун сурады. Бул туурасында РИА Новости жазды.Премьер союздаштарынын Украинаны колдоо аракети Евробиримдикке зыян эмес, пайда алып келгидей болушу керектигин ачык катында белгилеген.Кат Европа комиссиясы менен Европа кеңешинин башчыларына багытталган. Фицонун айтымына караганда, Владимир Зеленскийдин ЕБди тоготпой Украина аймагы аркылуу газ транзитин токтотуу боюнча кабыл алган чечими абалды чыңалтып, жооп берүүгө аргасыз кылат.Премьер Киев бийлиги Евробиримдиктин кайсы бир органдары же кызыкдар болгон мүчө мамлекеттер менен ачык кеп-кеңеш кылбай туруп чечим чыгарып койгондугун белгилеген. Ал — 2025-жылдын 1-январынан тарта Батыш Европадагы башка керектөөчүлөргө жана Словакияга Украина өзүнүн аймагы аркылуу транзит менен көгүлтүр отту жеткирүүнү токтотуу чечими эле.Буга чейин Фицо Киевге электр энергиясын берүүнү чектегендигин кошуп, мындай кадамдар үчүн тиешелүү жооп болорун эскерткен. Словакия өкмөт башчысынын айтымында, Россиянын транзит газын берүүнү токтотуу 2025-2026-жылдары ЕБ үчүн 120 миллиардга турат. Бул көгүлтүр оттун кымабатташын шарттап, Европанын экономикасын ого бетер алсыратат.Фицо Киев бийлигине газдан улам чыр чыгарын өткөн аптада эскертип, Словакия Украинага жардам берип жаткандыгын, муну экинчи тарап эске алышы керектигин баса белгилеген. Тагыраагы, Братислава да буга үндөш мамилени күтөрүн айткан.Россиянын газын транзит менен Европага өткөрүү келишими 2019-жылы түзүлгөн жана ушул жылдын 31-декабрда соңуна чыгат. Киев макулдашууну узартпай тургандыгын буга чейин бир нече ирет саймедиреген. Ал эми өткөн аптада Владимир Зеленский Украина аймагы аркылуу Россиянын газын Европага транзит менен жеткирүү мүмкүнчүлүгү 31-декабрдан кийин үчүнчү өлкөлөр сатып алган күндө да четке кагыларын айткан.Өткөн жумада "Газпром" бул маршрут боюнча 15 миллиард куб метр көгүлтүр от жөнөтүп, бул көлөм Евробиримдик колдонгон жалпы көлөмдүн 4,5 пайызын түзгөн.Эгерде аталган канал ишин токтотсо, анда европалыктар үчүн россиялык газдын жалгыз булагы болуп "Түркиялык агым аркылуу" келген "Балкан агымы" калат. Бул жол менен жылына Румыния, Греция, Түндүк Македония, Сербия, Босния жана Герцеговина, Венгрияга болжол менен 14-15 миллиард куб метр газ жеткирилет.
https://sputnik.kg/20241228/slovakiya-robert-fitso-ukraina-sayasat-1091134385.html
украина
словакия
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, россия, украина, словакия, газ, транзит, роберт фицо, каатчылык, эскертүү, кат
дүйнөдө, россия, украина, словакия, газ, транзит, роберт фицо, каатчылык, эскертүү, кат
БИШКЕК, 30-дек. — Sputnik. Словакия премьер-министри Роберт Фицо Европа биримдигинин жетекчилигин Украинанын Россия газын албоо боюнча чечимине көңүл буруусун сурады. Бул туурасында
РИА Новости жазды.
Премьер союздаштарынын Украинаны колдоо аракети Евробиримдикке зыян эмес, пайда алып келгидей болушу керектигин ачык катында белгилеген.
"Мындан улам Словакиянын эле эмес, биринчи иретте Европа биримдигинин атынан мурда болбогон мындай кырдаалга жана анын маанилүү экендигине тез арада көңүл бурууңузду суранам", — деп жазган ал.
Кат Европа комиссиясы менен Европа кеңешинин башчыларына багытталган. Фицонун айтымына караганда, Владимир Зеленскийдин ЕБди тоготпой Украина аймагы аркылуу газ транзитин токтотуу боюнча кабыл алган чечими абалды чыңалтып, жооп берүүгө аргасыз кылат.
Премьер Киев бийлиги Евробиримдиктин кайсы бир органдары же кызыкдар болгон мүчө мамлекеттер менен ачык кеп-кеңеш кылбай туруп чечим чыгарып койгондугун белгилеген. Ал — 2025-жылдын 1-январынан тарта Батыш Европадагы башка керектөөчүлөргө жана Словакияга Украина өзүнүн аймагы аркылуу транзит менен көгүлтүр отту жеткирүүнү токтотуу чечими эле.
Буга чейин Фицо Киевге электр энергиясын берүүнү чектегендигин кошуп, мындай кадамдар үчүн тиешелүү жооп болорун эскерткен. Словакия өкмөт башчысынын айтымында, Россиянын транзит газын берүүнү токтотуу 2025-2026-жылдары ЕБ үчүн 120 миллиардга турат. Бул көгүлтүр оттун кымабатташын шарттап, Европанын экономикасын ого бетер алсыратат.
Фицо Киев бийлигине газдан улам чыр чыгарын өткөн аптада эскертип, Словакия Украинага жардам берип жаткандыгын, муну экинчи тарап эске алышы керектигин баса белгилеген. Тагыраагы, Братислава да буга үндөш мамилени күтөрүн айткан.
Россиянын газын транзит менен Европага өткөрүү келишими 2019-жылы түзүлгөн жана ушул жылдын 31-декабрда соңуна чыгат. Киев макулдашууну узартпай тургандыгын буга чейин бир нече ирет саймедиреген. Ал эми өткөн аптада Владимир Зеленский Украина аймагы аркылуу Россиянын газын Европага транзит менен жеткирүү мүмкүнчүлүгү 31-декабрдан кийин үчүнчү өлкөлөр сатып алган күндө да четке кагыларын айткан.
Өткөн жумада "Газпром" бул маршрут боюнча 15 миллиард куб метр көгүлтүр от жөнөтүп, бул көлөм Евробиримдик колдонгон жалпы көлөмдүн 4,5 пайызын түзгөн.
Эгерде аталган канал ишин токтотсо, анда европалыктар үчүн россиялык газдын жалгыз булагы болуп "Түркиялык агым аркылуу" келген "Балкан агымы" калат. Бул жол менен жылына Румыния, Греция, Түндүк Македония, Сербия, Босния жана Герцеговина, Венгрияга болжол менен 14-15 миллиард куб метр газ жеткирилет.
28 Бештин айы 2024, 13:21
