https://sputnik.kg/20240921/livan-buu-izrail-1088888235.html
"Айыптап, атын атагыла". Ливан ТИМи пейджерлердин жарылуусунан кийин БУУга кайрылды
"Айыптап, атын атагыла". Ливан ТИМи пейджерлердин жарылуусунан кийин БУУга кайрылды
Sputnik Кыргызстан
Ливандын ТИМ башчысы БУУ күнөлүүнү таппаса террорчулар мындай ыкманы кийин да колдоно берерин айтты. 21.09.2024, Sputnik Кыргызстан
2024-09-21T19:09+0600
2024-09-21T19:09+0600
2024-09-21T19:09+0600
дүйнөдө
ливан
израиль
буу
саясат
https://sputnik.kg/img/07e8/09/15/1088888002_0:156:2067:1319_1920x0_80_0_0_a623e51955a67781368a95f7fe8d81ed.jpg
БИШКЕК, 21-сен. — Sputnik. Ливандын Тышкы иштер министрлиги пейджерлердин жарылуусунан улам БУУнун Коопсуздук кеңешине Израилге каршы арыз жөнөтөт. Бул тууралуу Ливандын ТИМи кабарлаганын Анадолу басылмасы билдирди. РИА Новости басылмасы Ливандын тышкы иштер министринин милдетин аткаруучу Абдалла Бу Хабиб БУУнун Коопсуздук кеңеши чабуулду айыптап, күнөөлүүнү таппаса, анда экстремисттер пейджерлерди жардырган ыкманы колдоно берерин айтканын жазды. "Эгерде бул террордук акт силердин кеңеш тарабынан айыпталбаса, күнөөлүү адамдын атын атап, кармабасаңар, анда бул кеңешке, эл аралык адам укугуна болгон ишеним жоголот... Мамлекеттер, экстремисттик топтор аларды ээрчип, жай тургундарга ушундай технологиялар менен кол сала баштайт", — деген ливандык саясатчы.Министр террорчулар пейджерлердин жарылуусун кийин жарандык учактарда, поезддерде жана жай тургундарды өлтүрүүдө колдоно беришинен кооптонорун белгиледи.17-18-сентябрда Ливандын бир катар райондорунда пейджерлер менен рациялар массалык түрдө жарылган. Аппараттар "жогорку технологиялык таасирден" улам жардырылганы кабарланган. Расмий маалыматтар боюнча, 37 адам каза таап, үч миңден ашууну жарадар болгон."Хезболла" кыймылы жана Ливандын бийлиги окуя үчүн Израилди айыптоодо. Тель-Авив азырынча бул окуяга катышы бар экенин ырастай да, төгүндөй да элек.New York Times чалгындоо боюнча үч кызматкерге таянып жазганына караганда, Израиль жарылуучу пейджерлерди чыгаруу үчүн компания түзүп, андан кийин Ливанга импорттогон. Ал эми ABC News телеканалынын ЦРУдагы маалымат булагы билдиргендей, операция кеминде 15 жылдан бери пландалып келген.
https://sputnik.kg/20240920/zakharova-livan-peydzher-zharyluu-ayyptoo-1088872206.html
ливан
израиль
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, ливан, израиль, буу, саясат
дүйнөдө, ливан, израиль, буу, саясат
"Айыптап, атын атагыла". Ливан ТИМи пейджерлердин жарылуусунан кийин БУУга кайрылды
Ливандын ТИМ башчысы БУУ күнөлүүнү таппаса террорчулар мындай ыкманы кийин да колдоно берерин айтты.
БИШКЕК, 21-сен. — Sputnik. Ливандын Тышкы иштер министрлиги пейджерлердин жарылуусунан улам БУУнун Коопсуздук кеңешине Израилге каршы арыз жөнөтөт. Бул тууралуу Ливандын ТИМи кабарлаганын
Анадолу басылмасы билдирди.
"Абдалла Бу Хабиб Ливандын БУУдагы өкүлчүлүгүнө кибертеррордук чабуулга байланыштуу арызды аталган эл аралык уюмдун Коопсуздук кеңешине жөнөтүүнү тапшырды", — деп айтылат маалыматта.
РИА Новости басылмасы Ливандын тышкы иштер министринин милдетин аткаруучу Абдалла Бу Хабиб БУУнун Коопсуздук кеңеши чабуулду айыптап, күнөөлүүнү таппаса, анда экстремисттер пейджерлерди жардырган ыкманы колдоно берерин айтканын жазды.
"Эгерде бул террордук акт силердин кеңеш тарабынан айыпталбаса, күнөөлүү адамдын атын атап, кармабасаңар, анда бул кеңешке, эл аралык адам укугуна болгон ишеним жоголот... Мамлекеттер, экстремисттик топтор аларды ээрчип, жай тургундарга ушундай технологиялар менен кол сала баштайт", — деген ливандык саясатчы.
Министр террорчулар пейджерлердин жарылуусун кийин жарандык учактарда, поезддерде жана жай тургундарды өлтүрүүдө колдоно беришинен кооптонорун белгиледи.
17-18-сентябрда Ливандын бир катар райондорунда пейджерлер менен рациялар массалык түрдө жарылган. Аппараттар "жогорку технологиялык таасирден" улам жардырылганы кабарланган. Расмий маалыматтар боюнча, 37 адам каза таап, үч миңден ашууну жарадар болгон.
"Хезболла" кыймылы жана Ливандын бийлиги окуя үчүн Израилди айыптоодо. Тель-Авив азырынча бул окуяга катышы бар экенин ырастай да, төгүндөй да элек.
New York Times чалгындоо боюнча үч кызматкерге таянып жазганына караганда, Израиль жарылуучу пейджерлерди чыгаруу үчүн компания түзүп, андан кийин Ливанга импорттогон. Ал эми ABC News телеканалынын ЦРУдагы маалымат булагы билдиргендей, операция кеминде 15 жылдан бери пландалып келген.
