https://sputnik.kg/20240830/sadyr-zhaparov-bir-ubakta-100-obektini-achty-1088265953.html
Садыр Жапаров бир убакта өлкөнүн ар аймагындагы 100 объектини ачты
Садыр Жапаров бир убакта өлкөнүн ар аймагындагы 100 объектини ачты
Sputnik Кыргызстан
Кыргызстан Кара-Кыргыз автономиялуу облусунун 100 жылдыгы менен бирге Эгемендик майрамын белгилеп жатат. 30.08.2024, Sputnik Кыргызстан
2024-08-30T11:36+0600
2024-08-30T11:36+0600
2024-08-30T11:53+0600
кыргызстан
садыр жапаров
кара-кыргыз автономиялык облусу
100 жылдык
кыргызстандын эгемендүүлүк күнү
ишкана
завод
мектеп
https://sputnik.kg/img/07e8/08/1e/1088266274_0:160:3072:1888_1920x0_80_0_0_057134511c9da75aeefff772f3a18df9.jpg
БИШКЕК, 30-авг. — Sputnik. Бүгүн, 30-август күнү, Кыргызстандын ар аймагында курулган 100 объект бир маалда ачылып, салтанатка президент Садыр Жапаров катышканын өлкө башчынын маалымат кызматы кабарлады.Мамлекет жетекчиси Чүй облусунун Кемин районундагы "Терек-Таш" клинкер заводунун ачылышында сүйлөгөн.Жапаров Кара-Кыргыз автономиялуу облусунун 100 жылдыгына карата 100 объект куруунун алкагында бир катар жаңы өнөр жай ишканаларынын, социалдык объектилердин ачылышы Кыргызстан үчүн тарыхый жактан өтө маанилүү учур экенин белгиледи. Президент тарыхка токтолуп, өмүрүн тобокелге салып Кара-Кыргыз автономдуу облусун түзгөн аталарды эскерген. Муну менен катар республиканын жетишкендиктерине токтолгон.Президенттин айтымында, "Терек-Таш" клинкер заводу менен бирге Кадамжайда Исфайрам-1, Ноокатта Курак-Тектир чакан ГЭСтери, Ат-Башыда "Кара-Булак" соода-логистикалык аймагы, эт комбинаты, Нарында "Миң-Булак" курулуш материалдар ишканасы, Жайылда "Жунда" мунай заводу, Кара-Балтада алтын куймаларын чыгаруучу завод, Сузакта мунайды кайра иштетүүчү завод, Чаткалда алтын иргөөчү фабрика жана башка ушуга окшогон бир катар өндүрүш ишканалары, ошондой эле жаңы мектеп, мектептерге кошумча имараттарды, бала бакчаларды, спорт залдарды расмий ачуу каралган."Жаңы ачылган ишканалар прогресстин символу болуп, келечекте өлкөбүздүн өнүгүүсүнө, ал эми жаңы ачылган мектеп, бала бакчалар билим сапатын арттырууга жол чабат деп ишенем. Учурдан пайдаланып, өлкөнү өнүктүрүүгө багытталган долбоорлордун ишке ашуусуна салым кошкон бардык тараптарга ыраазычылык билдире кетейин. Бүгүнкү биз ачып жаткан 100 объект ар бир жарандын жашоосун өзгөртүүгө жана экономикалык жылышка негиз болоруна толук ишенем", — деди Жапаров.Сөзүнүн соңунда президент жагымдуу саамалыктар коштолгон Кара-Кыргыз автономдуу облусунун 100 жылдыгы жана эртең белгилене турган Эгемендик майрамы менен куттуктады.
https://sputnik.kg/20240829/kyrgyz-mamlekettuulugun-kalybyna-keltirgender-1088245947.html
кара-кыргыз автономиялык облусу
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, садыр жапаров, кара-кыргыз автономиялык облусу, 100 жылдык , кыргызстандын эгемендүүлүк күнү, ишкана, завод, мектеп
кыргызстан, садыр жапаров, кара-кыргыз автономиялык облусу, 100 жылдык , кыргызстандын эгемендүүлүк күнү, ишкана, завод, мектеп
Садыр Жапаров бир убакта өлкөнүн ар аймагындагы 100 объектини ачты
11:36 30.08.2024 (Жаңыртылды: 11:53 30.08.2024) Кыргызстан Кара-Кыргыз автономиялуу облусунун 100 жылдыгы менен бирге Эгемендик майрамын белгилеп жатат.
БИШКЕК, 30-авг. — Sputnik. Бүгүн, 30-август күнү, Кыргызстандын ар аймагында курулган 100 объект бир маалда ачылып, салтанатка президент Садыр Жапаров катышканын өлкө башчынын маалымат кызматы кабарлады.
Мамлекет жетекчиси Чүй облусунун Кемин районундагы "Терек-Таш" клинкер заводунун ачылышында сүйлөгөн.
Жапаров Кара-Кыргыз автономиялуу облусунун 100 жылдыгына карата 100 объект куруунун алкагында бир катар жаңы өнөр жай ишканаларынын, социалдык объектилердин ачылышы Кыргызстан үчүн тарыхый жактан өтө маанилүү учур экенин белгиледи. Президент тарыхка токтолуп, өмүрүн тобокелге салып Кара-Кыргыз автономдуу облусун түзгөн аталарды эскерген. Муну менен катар республиканын жетишкендиктерине токтолгон.
"Бүгүнкү күндө дүйнө өзүнүн тарыхый өнүгүүсүнүн татаал этабын баштан кечирүүдө. Биз мындай глобалдуу өзгөрүүлөр болуп жаткан маалда боло туруучу көйгөйлөрдү аныктап, тиешелүү чараларды, ыкчам чечимдерди кабыл алууга жөндөмдүү болушубуз керек. Өнүккөн экономика мамлекеттүүлүктүн жана эгемендүүлүктүн кепилдиги болорун эсибизге бекем түйүп, бардык дитибизди ушул тармакка бурушубуз абзел. Мындан улам өткөн жылдын соңунда "Кара-Кыргыз автономиялуу облусунун түзүлгөндүгүн 100 жылдыгын белгилөө жөнүндө" жарлыкка кол коюп, аткаруу бийлик органдарына тиешелүү тапшырмаларды берген элем. Мына ошол тапшырманын негизинде азыркы Кыргызстан башат алган Кара-Кыргыз автономдуу облусунун түзүлүшүнүн 100 жылдыгынын урматына реалдуу сектордун жана социалдык тармактын бир катар объектилерин ачканы турабыз", — деди Жапаров.
Президенттин айтымында, "Терек-Таш" клинкер заводу менен бирге Кадамжайда Исфайрам-1, Ноокатта Курак-Тектир чакан ГЭСтери, Ат-Башыда "Кара-Булак" соода-логистикалык аймагы, эт комбинаты, Нарында "Миң-Булак" курулуш материалдар ишканасы, Жайылда "Жунда" мунай заводу, Кара-Балтада алтын куймаларын чыгаруучу завод, Сузакта мунайды кайра иштетүүчү завод, Чаткалда алтын иргөөчү фабрика жана башка ушуга окшогон бир катар өндүрүш ишканалары, ошондой эле жаңы мектеп, мектептерге кошумча имараттарды, бала бакчаларды, спорт залдарды расмий ачуу каралган.
"Жаңы ачылган ишканалар прогресстин символу болуп, келечекте өлкөбүздүн өнүгүүсүнө, ал эми жаңы ачылган мектеп, бала бакчалар билим сапатын арттырууга жол чабат деп ишенем. Учурдан пайдаланып, өлкөнү өнүктүрүүгө багытталган долбоорлордун ишке ашуусуна салым кошкон бардык тараптарга ыраазычылык билдире кетейин. Бүгүнкү биз ачып жаткан 100 объект ар бир жарандын жашоосун өзгөртүүгө жана экономикалык жылышка негиз болоруна толук ишенем", — деди Жапаров.
Сөзүнүн соңунда президент жагымдуу саамалыктар коштолгон Кара-Кыргыз автономдуу облусунун 100 жылдыгы жана эртең белгилене турган Эгемендик майрамы менен куттуктады.
