Кыргыз балетинин чолпон жылдызы эле. Чолпонбек Базарбаевдин сейрек сүрөттөрү
Кыргыз балетинин чолпон жылдызы эле. Чолпонбек Базарбаевдин сейрек сүрөттөрү
Sputnik Кыргызстан
Бүгүн СССРдин эл артисти, белгилүү балетмейстер Чолпонбек Базарбаевдин туулган күнү. Кыргыз балетиндеги жаркыраган таланттын көзү тирүү болгондо быйыл 75 жашка... 04.02.2024, Sputnik Кыргызстан
Sputnik Кыргызстан агенттиги залкар инсандын сүрөттө калган ирмемдерин сунуштайт.Чолпонбек Базарбаев 1949-жылы 4-февралда Нарын облусунун Кочкор районундагы Чолпон айлында төрөлүп, Фрунзедеги музыкалык-хореографиялык училищеде окуган. Кийин Москвадагы академиялык хореографиялык окуу жайда кесипкөйлүгүн жогорулатып, Кыргыз улуттук академиялык опера жана балет театрына солист болуп ишке кирген. Балет бийчиси сахнада алгач массалык бийлерге катышып жүрүп, кийин жалаң башкы ролдорду аткарган. Күжүрмөн талант 25 жылда 30дан ашык дүйнөлүк классикалык спектаклде бийлеп, 33 жашында СССРдин эл артисти болгон. Кыргыз ССРинин эл артисти өлкө эгемендүүлүк алган соң Кыргызстандагы театр ишмерлеринин союзунда төрага, Абдылас Малдыбаев атындагы академиялык опера жана балет театрынын директору, көркөм жетекчи кызматын аркалап, үч жыл Маданият министрлигин жетектеген. Таланттуу инсан 2002-жылы жол кырсыгынан көз жумган.Тема боюнча:— Киного 18 жашында аралашкан. Режиссер Төлөгөн Сыдыковдун сүрөттөрү— Эл эмгектен эскерет... Жумабек Ибраимовдун сүрөттө калган ирмемдери— 75 жашка толмок. Айтылуу тасмаларды тарткан оператор Мурат Алиевдин сүрөттөрү
Бүгүн СССРдин эл артисти, белгилүү балетмейстер Чолпонбек Базарбаевдин туулган күнү. Кыргыз балетиндеги жаркыраган таланттын көзү тирүү болгондо быйыл 75 жашка толмок.
Sputnik Кыргызстан агенттиги залкар инсандын сүрөттө калган ирмемдерин сунуштайт.
Чолпонбек Базарбаев 1949-жылы 4-февралда Нарын облусунун Кочкор районундагы Чолпон айлында төрөлүп, Фрунзедеги музыкалык-хореографиялык училищеде окуган. Кийин Москвадагы академиялык хореографиялык окуу жайда кесипкөйлүгүн жогорулатып, Кыргыз улуттук академиялык опера жана балет театрына солист болуп ишке кирген. Балет бийчиси сахнада алгач массалык бийлерге катышып жүрүп, кийин жалаң башкы ролдорду аткарган. Күжүрмөн талант 25 жылда 30дан ашык дүйнөлүк классикалык спектаклде бийлеп, 33 жашында СССРдин эл артисти болгон. Кыргыз ССРинин эл артисти өлкө эгемендүүлүк алган соң Кыргызстандагы театр ишмерлеринин союзунда төрага, Абдылас Малдыбаев атындагы академиялык опера жана балет театрынын директору, көркөм жетекчи кызматын аркалап, үч жыл Маданият министрлигин жетектеген. Таланттуу инсан 2002-жылы жол кырсыгынан көз жумган.
Абдылас Малдыбаев атындагы академиялык опера жана балет театрынын сахнасында коюлган композитор Калый Молдобасановдун "Саманчынын жолу" балети. Биринчи катарда Айсулуу Токомбаева, экинчи катарда таланттуу бийчилер (экинчи турган Чолпонбек Базарбаев).
![Абдылас Малдыбаев атындагы академиялык опера жана балет театрынын сахнасында коюлган композитор Калый Молдобасановдун "Саманчынын жолу" балети. Биринчи катарда Айсулуу Токомбаева, экинчи катарда таланттуу бийчилер (экинчи турган Чолпонбек Базарбаев). - Sputnik Кыргызстан](https://sputnik.kg/img/07e8/02/04/1082432732_0:0:2048:2171_600x0_80_0_1_fd656e25eb4785dc20bdf32fbe2fd53a.jpg "Абдылас Малдыбаев атындагы академиялык опера жана балет театрынын сахнасында коюлган композитор Калый Молдобасановдун "Саманчынын жолу" балети. Биринчи катарда Айсулуу Токомбаева, экинчи катарда таланттуу бийчилер (экинчи турган Чолпонбек Базарбаев).")
