Бишкекте II Элдик курултай башталды. Тексттик трансляция

Курултайдын биринчи күнү соңуна чыкты. Экинчи жыйыны эртең уланат.

II Элдик курултай түштөн кийинки ишин баштады.

Учурда курултайдын делегаттары саат 14:15ке чейин түшкү эс алууга чыгышты.

Алардын бири Садыр Жапаровдон мамлекеттик туунун өзгөрүшү позициясын так билдиришин сурады.

Мамлекет башчыдан кийин Жогорку Кеңеш менен министрлер кабинетинин төрагасы Нурлан Шакиев жана Акылбек Жапаров сүйлөп, курултай ишин уланты. Алардан соң делегаттар сүйлөп, аймактык жана бир катар маселелерди көтөрүштү.

"Тилекке каршы, аялдарга жана балдарга карата зомбулук дүйнөдөгү көптөгөн коомдор туш болгон көйгөй болуп баратат. Бизде, Кыргызстанда да ушундай терс көрүнүштөр бар. Бул чектен чыккан көрүнүш, кабыл алынгыс жагдай! Ар бир адамдын кадыр-баркы мыйзам же мамлекет тарабынан эле эмес, бардык башка жарандар тарабынан да корголушу кажет! Эзелтен эле энени, аялзатын урматтоо кыргыз элинин өзгөчөлүгү, маданий жана социалдык нормаларынын маанилүү бөлүгү болуп келген, мындан ары дагы болуп калышы керек! Адилет коомду куруу ар бирибиздин максатыбыз болушу зарыл. Коомдо оройлукка орун болбошу керек, айрыкча, эже-карындаштарыбызды коргоонун, урматтоонун, ар бир наристеге кам көрүүнүн, улуу муунга өзгөчө көңүл буруу зарылдыгын баса белгилеп кетейин. Өлкөбүздө агрессияга жана ырайымсыздыкка эч кандай актоо жок жана болушу да мүмкүн эмес! Аларды жектөө гана болот!" – деди Садыр Жапаров.

"Эл шайлаган президент катары мамлекеттик башкаруунун бардык деңгээлдеринде эл биримдигин бекемдөөгө, этностор аралык мамилелерди жана ынтымакты чыңдоого, диндер аралык толеранттуулукту жогорулатууга, экстремизмге бөгөт коюуга багытталган жалпы улуттук комплекстүү системаны түзүү үчүн бардык зарыл чараларды көрүү милдетин коюп келатам.

Бул тапшырманы бүгүн да кайталайм: эгерде кайсы бир мамлекеттик кызматкер же кимдир бирөө элибиздин ынтымагына доо кетирсе, улуттар ортосундагы достукту бузса, өзүнүн даражасына, ээлеген кызматына карабай мамлекетибиздин алдында мыйзам чегинде катуу жоопко тартылат! Мен эч кимге Кыргызстандын элинин ынтымагына доо кетирүүгө жол бербеймин!" – деди Садыр Жапаров.

— Баткен аймагын калыбына келтирүү жана өнүктүрүү – мамлекеттин артыкчылыктуу багыты. Мыйзам менен Баткенге өзгөчө статус ыйгарылган. Баткендин капиталдык курулуштарына 1,4 млрд. сом, жолдоруна 1,7 млрд. сом бөлдүк. Өнүгүүгө деп жылына 500 млн. сом бөлүп жатабыз.

"Казынабыздагы каражаттарыбыз, Кудайга шүгүр, жалаң гана өсүү темпи менен баратат. Бул көрсөткүчтөр, эң алгач, экономикалык саясатыбыздын туура, таза жана жыйынтыктуу жүргүзүлгөндүгүнөн улам жаралды. Тышкы карыз боюнча милдеттенмелерибиз бар. Ушул жылдары эң ири көлөмдөгү карыздарды төлөө убактысына туш келдик. 2030-жылга чейин ири суммадагы карыздарды төлөйбүз. Маселен, 2023-жылы – 344 млн. доллар, 2024-жылы – 400 млн. доллар, ал эми 2025-жылы – 430 млн. доллар", - деди президент.

Элдик курултайда көрсөтүлгөн видео

"Калкыбыздын үнү угула турган жана муундан муунга өтүп келе жаткан бул институтту колдоно баштаганыбызга сыймыктанам. Элдик курултайдан мазмундуу жана конструктивдүү иштерди күтөм", - деди Жапаров.