https://sputnik.kg/20230705/kyrgyzstan-madaniyat-boru-zyndan-shamshiev-taberik-surot-1076798832.html
"Бөрү зынданды" тартуу учурундагы эс алуу. Болот Шамшиевдин таберик сүрөтү
"Бөрү зынданды" тартуу учурундагы эс алуу. Болот Шамшиевдин таберик сүрөтү
Sputnik Кыргызстан
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндоону улантат. 05.07.2023, Sputnik Кыргызстан
2023-07-05T20:02+0600
2023-07-05T20:02+0600
2023-07-05T20:02+0600
кыргызстан
маданият
болот шамшиев
"бөрү зындан" тасмасы
таберик сүрөт
сүрөт
https://sputnik.kg/img/07e7/07/05/1076799315_0:319:2048:1471_1920x0_80_0_0_fbd27ff9396a745b685cc8ab069892b8.jpg
© Sputnik / Александр ФедоровКолуна уктап калган уулу Чыңгызды алып отурган атактуу режиссёр Болот Шамшиев, анын оң жагында белгилүү актриса Айтурган Темирова жана бери жакта аларды карап турган таланттуу кинооператор Манас Мусаевдин сүрөтү 1983-жылы Фрунзе (азыркы Бишкек) шаарынын четиндеги Таш-Мойнок айылында тартылган.Ал жылы СССРдин эл артисти Болот Шамшиев казакстандык Эркен Абишев экөө чыныгы окуялардын негизинде сценарий жазып, "Бөрү зындан" тасмасын тартууга киришкен.Ошол кезеңди режиссёрдун уулу Чыңгыз Шамшиев мындайча эскерет:Эки сериялуу криминалдык драмага Кенебай Кожабеков, Айтурган Темирова, Талгат Нигматулин, Сүймөнкул Чокморов, Жоробек Аралбаев, Николай Крюков, Александр Милютин, Мурат Мамбетов, Орозбек Кутманалиев, Виктор Мирошниченко, Тохтахун Бахтыбаев, Анатолий Плюто, Венера Нигматулина, Бекин Сейдакматов, Сабира Күмүшалиева, Муса Дудаев, Жалил Абдыкадыров, Гүлнара Чокубаева, Искендер Рыскулов, Турсун Уралиев, Асанкул Куттубаев тартылган.Эске сала кетсек, апийим сатып иштеген топтун кылмыштарын, СССРде жайылып бара жаткан баңгилик, деградация болуп бара жаткан коомду чагылдырган кинокартинаны көрүүчүлөр жакшы кабыл алган. Кинофильмди 21 миллиондон ашык адам көрүп, ал эмгек мамлекеттик казынага 100 миллион доллар алып келген.Тема боюнча:
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, маданият, болот шамшиев, "бөрү зындан" тасмасы, таберик сүрөт, сүрөт, инфографика
кыргызстан, маданият, болот шамшиев, "бөрү зындан" тасмасы, таберик сүрөт, сүрөт, инфографика
"Бөрү зынданды" тартуу учурундагы эс алуу. Болот Шамшиевдин таберик сүрөтү
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндоону улантат.
© Sputnik / Александр Федоров
Колуна уктап калган уулу Чыңгызды алып отурган атактуу режиссёр Болот Шамшиев, анын оң жагында белгилүү актриса Айтурган Темирова жана бери жакта аларды карап турган таланттуу кинооператор Манас Мусаевдин сүрөтү 1983-жылы Фрунзе (азыркы Бишкек) шаарынын четиндеги Таш-Мойнок айылында тартылган.
Ал жылы СССРдин эл артисти Болот Шамшиев казакстандык Эркен Абишев экөө чыныгы окуялардын негизинде сценарий жазып, "Бөрү зындан" тасмасын тартууга киришкен.
Ошол кезеңди режиссёрдун уулу Чыңгыз Шамшиев мындайча эскерет:
"Ата-энебиз бизди тасма тартуу иштерине, аймактарга командировкага ала жүрчү. Мен "Бөрү зындандагы" башкы каармандын баласынын ролун аткарганда төрт жашта болчумун. Талгат Нигматулин Саматтын, анын келинчеги Ажардын ролун апам Айтурган Темирова аткарган. Мен экөөнүн уулунун образын жараткам. Тасмада бир короого кирип чыккан эпизод бар, ошону 40 жолу ары-бери басып аткарып даярданганым такыр эсимден кетпейт. Кичинекей болгондуктан аябай чарчап бутум баспай калган, аны талапты катуу койгон атама айткандан коркчумун. Атам менин аткаруумду жактырып, ыраазы болгонго чейин айрым эпизоддорду кайра-кайра кайталачубуз. Ал киши ар бир кыймыл, майда-баратка чейин катуу көңүл бурчу. Кийин Москвага үн жаздырганы барганда да атам текст окуганымды жактырбай үч саат бою даярдап, аягында чыдабай ыйлап жибергем. Үн режиссёр "Болот, болду, баланы кыйнабай кичине эс алдырчы" дегени эсимде", — деди Шамшиев.
Эки сериялуу криминалдык драмага Кенебай Кожабеков, Айтурган Темирова, Талгат Нигматулин, Сүймөнкул Чокморов, Жоробек Аралбаев, Николай Крюков, Александр Милютин, Мурат Мамбетов, Орозбек Кутманалиев, Виктор Мирошниченко, Тохтахун Бахтыбаев, Анатолий Плюто, Венера Нигматулина, Бекин Сейдакматов, Сабира Күмүшалиева, Муса Дудаев, Жалил Абдыкадыров, Гүлнара Чокубаева, Искендер Рыскулов, Турсун Уралиев, Асанкул Куттубаев тартылган.
Эске сала кетсек, апийим сатып иштеген топтун кылмыштарын, СССРде жайылып бара жаткан баңгилик, деградация болуп бара жаткан коомду чагылдырган кинокартинаны көрүүчүлөр жакшы кабыл алган. Кинофильмди 21 миллиондон ашык адам көрүп, ал эмгек мамлекеттик казынага 100 миллион доллар алып келген.
