Радиостудия Sputnik Кыргызстан в Бишкеке - Sputnik Кыргызстан, 1920
Радио

Кыргызстандыктар медициналык камсыздандыруу алууга милдеттендирилди

© Sputnik / Асель СыдыковаМилдеттүү медициналык камсыздандыруу фондунун Чүй аймактык башкармалыгынын директору Чынара Момунова
Милдеттүү медициналык камсыздандыруу фондунун Чүй аймактык башкармалыгынын директору Чынара Момунова - Sputnik Кыргызстан, 1920, 30.05.2023
Жазылуу
Милдеттүү медициналык камсыздандыруу фондунун Чүй аймактык башкармалыгынын директору Чынара Момунова министрлер кабинети калкты медициналык камсыздандыруу менен толук камтуу милдетин койгонун айтты.
Чүй облусу боюнча 1-апрелге карата Электрондук саламаттык сактоо борборундагы калктын маалымат базасында бир миллион 100 миӊ 759 адам катталган. Анын ичинде 750 миӊ 137 адам камсыздандырылса, 350 миӊ 622 адам камсыздандырылган эмес. Бул тууралуу Чынара Момунова Sputnik Кыргызстан радиосунун эфиринде маек куруп жатып билдирди.
Кыргызстандыктар медициналык камсыздандыруу алууга милдеттендирилди
Анын айтымында, Кыргызстандагы бардык жарандар медициналык камсыздандыруу алууга милдеттендирилди.
"Милдеттүү медициналык камсыздандыруу боюнча" мыйзамга өзгөртүү киргизилип, 2023-жылы 29-мартта документке президент кол койду. Мыйзам 10-апрелден баштап толук иштеп баштады. Негизи бул мыйзам 1999-жылдын октябрь айынын бери иштеп келет. Милдеттүү медициналык камсыздандырууга кимдер милдеттүү жана төгүмдөрдү төлөөчүлөргө кимдер кирери тууралуу жазылган эки беренеге өзгөртүү кирди. Эми Кыргызстандагы бардык жарандар камсыздандыруу алышы керек. Милдеттүү медициналык камсыздандыруу мыйзамын ишке ашыруу боюнча ар бир жергиликтүү бийлик менен чогуу калк арасында маалымат таратуу жана түшүндүрүү иштерин алып баруу боюнча план түзүлгөн. Мыйзам биринчи кезекте камсыздандырылбаган жана чет өлкөлүк жарандарга, чет элдик студенттерге, кайрылмандарга гана тиешелүү болот. Өлкөдө 75 пайызга жакын адам камсыздандырылса, 25 пайызы камсыздандырылбаган жарандар (18 жаштан жогору иштебеген жарандар, күндүзгү жана сырттан, аралыктан окугандар, 21 жаштан жогору күндүзгү окуу формасында окугандар, жеке уюмдарда, ишканаларда, базарда иштегендер (тигүүчү, куруучу, такси, маршрутка айдоочулары, базардагы соодагерлер, Ички иштер министрлигинин кызматкерлери). Бүгүнкү күнү өлкөдө калктын дээрлик 50 пайызы мамлекет тарабынан камсыздандырылган болуп саналат. Алар 16 жашка чейинки окуучу балдар, күндүзгү жогорку окуу жайларда билим алган 21 жашка чейинки студенттер, пенсионерлер, жоокерлер, социалдык жөлөк пул алган жарандар жана калкты ишке орноштуруу органдарында катталган жумушсуздар", — деди Момунова.
Ал учурда полистин баасы кыргызстандыктар үчүн 1 722 сом болсо, чет элдиктерге 16 391 сом болуп бекитилгенин кошумчалады.
Жаңылыктар түрмөгү
0