Эрдоган Россияга тап берген Түркиядагы оппозицияны сынга алды

© AFP 2023 / OZAN KOSEТүркия президенти Режеп Тайип Эрдоган
Түркия президенти Режеп Тайип Эрдоган - Sputnik Кыргызстан, 1920, 13.05.2023
Жазылуу
Оппозициялык "Элдик альянстын" талапкери Россия Түркияда өтө турган президенттик шайлоого кийлигишип жатат деп кине койду.
БИШКЕК, 13-май — Sputnik. Түркия президенти Режеп Тайип Эрдоган оппозиционерлерге Россия менен анын жетекчиси Владимир Путинге асылуусуна жол бербей турганын билдирди. Бул тууралуу РИА Новости жазган.
"Кемал бей (Кемал Кылычдароглу — ред.) Путинге, Россияга асылып жатат. Мен буга жол бере албайм, Москва менен мамилебиз Вашингтон менен болгон алакадай эле маанилүү", — деди президент Стамбулда сүйлөп жатып.
7-май күнү Эрдоган тарапташтарына башкы атаандашы Кемал Кылычдароглунун тыюу салынган Күрдстан жумушчу партиясынын лидери Мурат Карайил менен чогуу турган видеосун көрсөткөн. ЖМКлар аны фейк деп атаса, Кылычдароглу артында "кымбаттуу орус достор турган" кутумчулук деди.
"Эми Кемал мырза Москва биздин шайлоону тескеп жатат деди. Уялбайсыңбы! Шайлоону Америка, Англия, Германия көзөмөлдөөдө десек эмне дейсиң?" — деди Эрдоган.
РФ президентинин маалымат катчысы Дмитрий Песков Москва башка мамлекеттердин ички саясатына жана электоралдык процесстерине кийлигишпей турганын билдирди.
Түркияда президенттик жана парламенттик шайлоо 14-майга белгиленген. Эрдоганга негизги оппонент Кылычдароглу болууда. Андан тышкары, Ata альянсынан Синан Оган да ат салышып жатат. Эгер талапкердин бири да добуштардын 50 пайызын топтой албаса, 28-майда экинчи тур өтөт.
Түркиянын ИИМ жетекчиси Сулейман Сойлу. Архив - Sputnik Кыргызстан, 1920, 10.05.2023
Түркия министри: АКШ шайлоого ЖМКлар аркылуу кийлигишмекчи
Жаңылыктар түрмөгү
0