https://sputnik.kg/20230506/akshda-tayvanga-kural-zhonotot-1075058530.html
Байдендин бийлиги Тайванга 500 млн. долларлык курал-жарак жөнөтүүнү пландоодо
Байдендин бийлиги Тайванга 500 млн. долларлык курал-жарак жөнөтүүнү пландоодо
Sputnik Кыргызстан
Мында да Украинага карата колдонулган өзгөчө ыйгарым укуктар пайдаланылат. 06.05.2023, Sputnik Кыргызстан
2023-05-06T12:57+0600
2023-05-06T12:57+0600
2023-05-06T12:57+0600
дүйнөдө
акш
тайвань
курал-жарак
жеткирүү
https://sputnik.kg/img/07e7/05/06/1075058284_0:201:3100:1945_1920x0_80_0_0_4e18b4ed3a7ff14518ccb4902187cc41.jpg
БИШКЕК, 6-май — Sputnik. АКШнын президенти Жозеф Байдендин администрациясы Тайванга 500 миллион долларлык курал-жарак жеткирүүнү пландап жатат. Бул туурасында Bloomberg басылмасы маалымат булактарына таянып жазганын РИА Новости билдирди.Анда Украинага карата колдонулган өзгөчө ыйгарым укуктар пайдаланылары айтылган. Мындай укук АКШга келишимдерди түзүү жана курал өндүрүү процесстерин созуктурбай ыкчам тартипте кароого жол ачары белгиленген.Агенттиктин маалыматы боюнча, конгресс президентке "демократия аралчасын" колдоо үчүн АКШнын запасынан бир миллиард долларга чейин колдонууга уруксат берген.Тайвандын айланасындагы кырдаал былтыр августтун башында АКШнын Өкүлдөр палатасынын спикери Нэнси Пелосинин Тайбэйге жасаган иш сапарынан кийин курчуп кеткен. Аралды өзүнүн провинциясынын бири деп эсептеген Кытай бул сапарды айыптап, АКШнын Тайвандагы сепаратизмге колдоо көрсөтүүсү катары кабылдап масштабдуу аскердик машыгууларды өткөргөн. Ноябрдын ортосунда Кытай лидери Си Цзиньпин Индонезиядагы G20 жыйынында АКШ президенти Байденге жолугуп, Тайвань кытай-америка мамилесиндеги "кызыл чек" экенин эскертип, андан өтпөөгө чакырган. Байден өз кезегинде Вашингтондун "бирдиктүү Кытай" принцибин колдой турганын ырастаган болчу.Пекин Тайвандын өз алдынчалыгын тааныбайт, өз провинциясы деп эсептеп дүйнөнү "бирдиктүү Кытай" саясатын карманууга чакырып келет. АКШ бул принципти кагаз жүзүндө сактайт, антсе да арал менен жигердүү кызматташып, байма-бай курал-жарак жеткирип турат.
https://sputnik.kg/20230504/kreml-sokku-dron-artynda-aksh-turat-1075004446.html
акш
тайвань
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, акш, тайвань, курал-жарак, жеткирүү
дүйнөдө, акш, тайвань, курал-жарак, жеткирүү
Байдендин бийлиги Тайванга 500 млн. долларлык курал-жарак жөнөтүүнү пландоодо
Мында да Украинага карата колдонулган өзгөчө ыйгарым укуктар пайдаланылат.
БИШКЕК, 6-май — Sputnik. АКШнын президенти Жозеф Байдендин администрациясы Тайванга 500 миллион долларлык курал-жарак жеткирүүнү пландап жатат. Бул туурасында Bloomberg басылмасы маалымат булактарына таянып жазганын
РИА Новости билдирди.
Анда Украинага карата колдонулган өзгөчө ыйгарым укуктар пайдаланылары айтылган. Мындай укук АКШга келишимдерди түзүү жана курал өндүрүү процесстерин созуктурбай ыкчам тартипте кароого жол ачары белгиленген.
Агенттиктин маалыматы боюнча, конгресс президентке "демократия аралчасын" колдоо үчүн АКШнын запасынан бир миллиард долларга чейин колдонууга уруксат берген.
Тайвандын айланасындагы кырдаал былтыр августтун башында АКШнын Өкүлдөр палатасынын спикери Нэнси Пелосинин Тайбэйге жасаган иш сапарынан кийин курчуп кеткен. Аралды өзүнүн провинциясынын бири деп эсептеген Кытай бул сапарды айыптап, АКШнын Тайвандагы сепаратизмге колдоо көрсөтүүсү катары кабылдап масштабдуу аскердик машыгууларды өткөргөн. Ноябрдын ортосунда Кытай лидери Си Цзиньпин Индонезиядагы G20 жыйынында АКШ президенти Байденге жолугуп, Тайвань кытай-америка мамилесиндеги "кызыл чек" экенин эскертип, андан өтпөөгө чакырган. Байден өз кезегинде Вашингтондун "бирдиктүү Кытай" принцибин колдой турганын ырастаган болчу.
Пекин Тайвандын өз алдынчалыгын тааныбайт, өз провинциясы деп эсептеп дүйнөнү "бирдиктүү Кытай" саясатын карманууга чакырып келет. АКШ бул принципти кагаз жүзүндө сактайт, антсе да арал менен жигердүү кызматташып, байма-бай курал-жарак жеткирип турат.
