https://sputnik.kg/20230425/100-000-somdon-bolungon-akcha-muktazhdarga-zhetip-zhataby-1074741400.html
100 миң сомдон бөлүнгөн акча муктаждарга жетип жатабы. С. Жапаров капыстан текшерди
100 миң сомдон бөлүнгөн акча муктаждарга жетип жатабы. С. Жапаров капыстан текшерди
Sputnik Кыргызстан
“Социалдык контракт” долбоору мамлекет башчынын демилгеси менен ишке ашууда. 25.04.2023, Sputnik Кыргызстан
2023-04-25T20:41+0600
2023-04-25T20:41+0600
2023-04-25T20:41+0600
кыргызстан
садыр жапаров
программа
колдоо
https://sputnik.kg/img/07e7/04/19/1074737159_0:138:2048:1290_1920x0_80_0_0_2a37d1380b1ea0deb014c2b464f4f75a.jpg
БИШКЕК, 23-апр. — Sputnik. Президент Жапаров күтүүсүздөн барып, "Социалдык контракт" программасынын алкагында аз камсыз болгон үй-бүлөлөргө бизнес ачуу үчүн берилүүчү жөлөк пулдардын даректүүлүгүн текшерди. Бул тууралуу анын маалымат катчысы Эрбол Султанбаев билдирди.Мамлекет башчы Чүй облусундагы бир катар үй-бүлөлөрдү кыдырып, мамлекет тарабынан бөлүнгөн каражаттын кандай пайдаланылып жатканынан жеке өзү кабар алган.Жапаров жергиликтүү тургундар менен болгон баарлашууда каражат даректерине толук жетип жатканына, алар чындап эле чакан ишкерликке багытталып жатканына, акчаны алган үй-бүлөлөр бул программанын алкагында иш жүзүндө кандай пайда көрүп жатканына кызыккан.Султанбаев “Социалдык контракт” долбоору Жапаровдун демилгеси менен ишке ашып жатканын белгиледи. Ага ылайык, аярлуу катмардагы үй-бүлөлөргө чакан бизнес ачуу үчүн 100 миң сомдон каражат кайтарымсыз берилерин айтты.Мындан тышкары, аз камсыз болгон үй-бүлөлөрдү каржылык сабаттуулукка үйрөтүп, бизнес-план түзүүгө жардам берип, узак мөөнөттүү бизнести ийгиликтүү жүргүзүү боюнча кеңештер берилет.Маалымат катчы 2022-жылы бул долбоордун алкагында 2 800 үй-бүлөгө 100 миң сомдон берилгенин билдирди.
https://sputnik.kg/20230416/osh-uj-bulo-akchalaj-zhardam-1074470657.html
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, садыр жапаров, программа, колдоо
кыргызстан, садыр жапаров, программа, колдоо
100 миң сомдон бөлүнгөн акча муктаждарга жетип жатабы. С. Жапаров капыстан текшерди
“Социалдык контракт” долбоору мамлекет башчынын демилгеси менен ишке ашууда.
БИШКЕК, 23-апр. — Sputnik. Президент Жапаров күтүүсүздөн барып, "Социалдык контракт" программасынын алкагында аз камсыз болгон үй-бүлөлөргө бизнес ачуу үчүн берилүүчү жөлөк пулдардын даректүүлүгүн текшерди. Бул тууралуу анын маалымат катчысы Эрбол Султанбаев билдирди.
Мамлекет башчы Чүй облусундагы бир катар үй-бүлөлөрдү кыдырып, мамлекет тарабынан бөлүнгөн каражаттын кандай пайдаланылып жатканынан жеке өзү кабар алган.
Жапаров жергиликтүү тургундар менен болгон баарлашууда каражат даректерине толук жетип жатканына, алар чындап эле чакан ишкерликке багытталып жатканына, акчаны алган үй-бүлөлөр бул программанын алкагында иш жүзүндө кандай пайда көрүп жатканына кызыккан.
“Жергиликтүү тургундар бул каражатка негизинен тигүүчү машиналарды жана мал сатып алып, ай сайын киреше табууга мүмкүнчүлүк түзүлүп жатканын айтып беришти. Ошентип, алар өз аймагында чакан бизнес ачып, үй-бүлөсү үчүн киреше алуучу булак жаралганын белгилешти”, — деп билдирди маалымат катчы.
Султанбаев “Социалдык контракт” долбоору Жапаровдун демилгеси менен ишке ашып жатканын белгиледи. Ага ылайык, аярлуу катмардагы үй-бүлөлөргө чакан бизнес ачуу үчүн 100 миң сомдон каражат кайтарымсыз берилерин айтты.
Мындан тышкары, аз камсыз болгон үй-бүлөлөрдү каржылык сабаттуулукка үйрөтүп, бизнес-план түзүүгө жардам берип, узак мөөнөттүү бизнести ийгиликтүү жүргүзүү боюнча кеңештер берилет.
Маалымат катчы 2022-жылы бул долбоордун алкагында 2 800 үй-бүлөгө 100 миң сомдон берилгенин билдирди.
“2023-жылы сегиз миңден ашык үй-бүлө чакан ишкерлик үчүн 100 миң сомдон алган. Быйыл өлкөнүн бардык аймактарынан аталган долбоорго жалпысынан 10 миңдей аз камсыз болгон үй-бүлөнү камтуу пландалууда”, — деп жазды Султанбаев.
