Александр Крестинин машыктыруучулуктан кетип жатат

© Фото / пресс-служба Кыргызского футбольного союзаАлександр Крестинин. Архив
Александр Крестинин. Архив - Sputnik Кыргызстан, 1920, 03.04.2023
Жазылуу
Кыргыз футбол союзу менен Крестининдин өз ара чечимге келгенин айтышты.
БИШКЕК, 3-апр. — Sputnik. Кыргызстандын футбол боюнча улуттук курама командасынын башкы машыктыруучусу Александр Крестинин кызматынан кетти. Бул туурасында аталган союздан кабарлашты.
Бул Кыргыз футбол союзу менен Крестининдин ортосундагы өз ара чечим болгон. Мындай кадамдын себеби айтылган жок.
Крестининдин PRO-лицензиясы бар.
2010 — “Нефтчи” ФКнын башкы машыктыруучусу болуп дайындалып, клуб тарыхта биринчи жолу футбол боюнча Кыргызстандын чемпиону болгон;
2011 — "Нефтчи" ФКсы суперкубоктун ээси;
2014 — Кыргызстандын улуттук курама командасынын башкы машыктыруучусу болуп дайындалган;
2017 — "Дордой" ФКнын башкы машыктыруучусу болуп дайындалган, андан кийин клуб Кыргыз Республикасынын төрт жолку чемпиону болгон (2018-жылдан 2021-жылга чейин);
2017, 2018 — "Дордой" ФКсы Кыргызстандын кубогунун жеңүүчүсү
2018 — FIFA рейтинги 146-орундан 75-орунга чейин барган;
2019 — Улуттук курама биринчи жолу Азия кубогуна чыгып, 1/8 финалга чыкты;
2019 — "Данакер" мамлекеттик сыйлыгы тапшырылган;
2019, 2021 — "Дордой" ФК Кыргызстандын суперкубогунун жеңүүчүсү;
2022 — "Азия кубогу-2023" - экинчи жолдомо;
Ал машыктыруучу болуп турганда Кыргызстандын командасы Казакстан менен Түркмөнстанды биринчи ирет жеңген;
Бир нече жылдан бери ФИФАга мүчө өлкөлөрдүн курама командаларынын арасында туруктуу түрдө 100 мыкты командалардын катарына турат;
Көптөгөн сыйлыктардын жана Кыргыз Республикасынын мыкты машыктыруучусу наамынын ээси.
Кыргыз футбол союзу кыргыз футболунун өнүгүшүнө кошкон зор салымы үчүн Александр Крестининге ыраазылык билдирген.
Кыргызстан менен Индиянын футболчулары беттеш учурунда - Sputnik Кыргызстан, 1920, 28.03.2023
“Үч улуттун кубогу”: Кыргызстан футбол командасы Индиядан утулуп калды
Жаңылыктар түрмөгү
0